|
|
|
Volume 23 No. 7 July 2016 KAWHMI ARFI Page 1
|
Editorial
Tuliau Thil- umzia
Paul
nih Rom mi tla rangah – Tuliau thil-umzia ti hen a sim mi hi tuliau ah khawm
apply kho mi asi.Kan Laikulh dîrmun hi a thasello rawh. Technology a sâng
tuktarâi ruangah -. Mimal, dâwngsung, khua tlâng, phun leh ram lakah –
lawksawngnâk dîtnâk, thasellonâk leh hamhtuarnâk tla nih mun a luah ver. Zalênnâk
ni a reh rawh, Duhtak, tuliau thil-umzia na dawn tâwn ma? Pathian lo hen himnâk
a umlo rawh
TheihkâunâkSource : Internet
1. Thisen sâng (high pressure) neitu
rangah
Kawlmum paw 2 chu ti hâi 3 hen
na suang lai le, ti chu hâikhat ding cho a tâng tiang hen kang hen na suang
lai. Churawhchun a ti cho na din lai, A kawlmum lam chu na ei lai loh. Nik
phawt nik.
2. Ngâksia zân it tlâi tuk ṭihnungkâi zia:
Zeimawmi ngâksiachuzân sâwtpi nûnah
an ît lawng silo hen nu le nih zohkhenh ṭhatlonâk ruangah sûn khawm ṭhiṭha itlo
mi tamtak an um. Ngâksia kip nih an kum tâwk
chiau hen hun an mang a herh. Nu nih ittir na an herh. Ngâksiazân sâwttak nûnah
it mi tla hi an upat tikah an luthluak rangah a ṭhalo cho silo hen an lung
(heart) râwknâk an nei a awl khun. Houston University expert tla nih an tuak
ver nûnah an muh suak mi chu, Ngâksia pakhat nih nikhat sungah it ding tâwk hen
a it lo asi chun a upat tikah lung râwknâk leh ṭihnâk, lâunâk tla awldek hen a
nei kho nûnahhâwi dang ngâk hen thinlung chaknâk a nei kholoh ti asi. Ngâksia
pakhat nih nikhat ah dârkâr zeizat it
ding a herh ti hinah kan hawng langh lai.
Kum 1-2 kar Ngâksia nih a tâwm
lei ah dârkâr 12 mawh dârkâr 14 sung a
it ngetchel a herh.
Kum 3-6 kar Ngâksia asi
chun a tâwm lei dârkâr 10 mawh dârkâr 12
sung chu it hun ah a mang ding.
Kum 12asinûnah lam chun
upa hâwi hen dârkâr 8 chu itnâk hun rangah a mang ngelchel ding ti asi. Nan fa le nih an
kum mil hen it hun an mang khonâk ding hen nu le pa nih rian lianpi kan nei. Kan
fa nih a upat tikah a luthluak leh Lung leikângrangtling tak um kho ding hen hi
mi hâwi hen kan ittir na hi a herh tatak mi asi. (nikhat ti hi dârkâr 24 tinâk
asi)
3. Chitê tangkainâk zat 7 tla:
Chitê hi din-ei lakah kan
mang mi cho silo hen a ṭangkâinâk dang dang a um rih asi:
1) Hun sâwt-ial mang lo hen kan siah mi tophah khuh,
itnâk tangphah danh a buar rawh a bâl a ching khel rawh mi tla khi chitê hâng
hen chiah hen suk chun a thar mi hâwitê hen a thiang hep kho.
2) Thil zeimawh kan suang liau
khin a tlawk hen a phul a liam chun chitê phulh le, a phul a dîn thlo lai.
3) Coffee kan siam mi dîn lo hen sawttak siah mi
khi chitêtâwmtê phulh hen lum nawlh chun thaw tak hen din kho asi.
4) In kiangkam Valeirawh (break) a kak mi kar
lakah belh tla an chawrh tâwn, chawrhlo ding kan duh chun chitê phulh ver chun
a chawrh kholo.
5) Nipuan zûnnâk (Iron) a tawka lei a bâl a êk
chunchitê phulh hen chanah hen nâwt chu a thiang kho.
6) Pheikawk a bâl a ching rawh mi tla chitê hâng
hen nur le a hawng thar nawlh lai. Chun, pheikawk sungah rik-râi a um mi tla
khawm a thah hep lai.
7) In thlalang a ching a bal mi khawm chitê hâng
hen na nâwt chun a thiang pît lai.
Thilsiam HumhalhKângnung
---- Evan. Lal Ruat Lian Bawm
‘LALPA thinlung tawngtu kan si chun - chu nah
hawng kan kalpi lai le, neinâk leh ram ṭha chu hawng kan pêk lai’ (Num. 14:8). 2016 chu ECC nih ram a fe le, Tizû-ngasa a ṭhet,
ramsa tamtak a um lo rawh mi, thing zat tamtak kan thlâu rawh mi leh finghnâk a
sâng tuktarâi rawh le, minung dîrmun a thlâkthleng mi tla a chuanh le, ‘Thilsiam Humhalh’ ti thupi a thîm.A dik
ual.
Zeime
Humhalh ding mi ?‘THILSIAM TLA’
‘Thilsiam tla’ chu zei zei hâwi
mi tla me ?
1) Pathian nih
a siam mi 2) Minung nih a siam mi
zawzawng tla 3) Krist thisen hen tlanh
mi (Kawhmi) tla leh4) Kanmah mimal
-- hi chu Thilsiam ver asi.
3. Pathian thilsiam Humhalh ding mi tla zei zei?1) Tual munma2) Tivâ
leh tirik3) Mâng leh Thing-mâu keuh tla
leh ramsa 4) Green House5)
Boruak6) Tirik tla7) Thilnung tla – Changchêl, Chavat etc.8) Phun tla -
Umhnâk, Culture, Hawlh, Literature
4. Minung Thilsiam lakah Humhalh ding mi tla zei
zei?1) Kan In leh a sungah mi thil le ri kan nei
chia tla2) Kan lo/dum lakah Thlâi tla –
Lathih, theihai, Banla, dawhlei etc. 3) Khua
tlâng thil tla – Committee, Dân, Thil-le-ri, Hall4) Kawhmi thil tla - Biakin, Committee, Ro thil-le-ri tla. 5)
Kan murui / kan Pawl a thiltum leh a riant̩uan tla zulhpeh6) Kan te-le-fa kuri, zauhkhenh leh sîntir dân
tla 7)
Kan thil neihchia rerêng a tlo, a dawh leh a ṭhangso ding
5. Kan mimal a Humhalh ding mi zeizei? Mah-mimal Humhalh hi zat nih hen ṭhen kho.Pakhatnâk:Taksa -1) A chintê hen Din-ei ding2) Turpâng ei khawm a dântê hen ei ding3) A huntê ah Riant̩uan hen changh dul ding. Panihnâk
:Thinlung leh Nunchan --1) Nâutirnâk : Ka nâutir ma? 2) Sûmkhonâk :
Sumkhonâk ka nei ma?3) Zângfahnâk: Mi ka zângfah-lungkham ma?4) Teiri-ri-rialnâk
:‘Ka ti ma, ka zulhpeh ma?’
6. Aunih hi a humhalh ding?1) Nangmah leh keimah 2) Kristian dik
tla3) Committee
7. Zei hâwi hen kan Humhalh ding? Thil herh chem chu :1)
Lalpa lakah a ngauh thlir hen Sawrnâk lasak ding. 2Chro. 20:19-3020b ‘LALPA nan Pathian lakah a ngauhthlir u, chu tikah bir tak hen nan dir
lai. A Khuavâng tla thu an simh na mi chu zumhthlir ule, chu tikah dingchangnâk nan tawng lai,’ ti hen Jehosaphat nih zapi tla chu
thuchah hen krei a pêk na. Levi chi Kohat leh Korah thlâk tla chu an dîr le, âu bu hen LALPA Israel Pathian an chawnglawmh le, lasak
anna dawmhle, an mêlmâ tla – Moab leh Amon nih Edom an do le, ruak dei
a rîl phut. Berakah mun ah Mêlmâ thil-ri leh ran tla an pumh mi ni 3 anna tâwk. 30 ‘Churuangah, Jehosaphat chu thlangam tak hen lai a rêl le, Pathian nih
zei leizawngah himnâk a pêk.’ 37
A neh nûnahchunhâwi sual Israel lal Ahaziah
|
thilsualtitu hen tlâinâk a
siam ruangah a lawngsâi zawzawng LALPA nih a râwk hep.’
|
2. Thlachamnâk hen 2Lal 19:14-19. 35 ‘…..LALPA kan Pathian, tuah Asiria tla lakah mi
chu hawng kan hum rawh, laikulh phun zawzawng nih nangmah cho ‘LALPA Pathian’
na si ti an theih khonâk ding hen’ ti hen Hezekiah chu LALPA mâika ah
lasuikuat siah hen thla a cham le, 35 Chu zân chun LALPA Vânmifial chu Asiria tla
riak munah a kal le, kawrsen 1,85,500 a
thah na.’
3.
Bible rêl ding ding. Jos. 1:8. LALPA nihJosua sinah, ‘…. Pathian nan sawnhnâk kipah hi (Bible) Dân bu hi rêl kumza ding asi ti
theih set rawh. A sûn a zân hen a sîn le, a sungah rîn mi zawzawng tla hi zûl
ding ti theih set rawh. Chu tikah na sul-le-lam a tluang hen na dingchang lai’LALPA nih a simh hâwitê hen a ti le, Jordân va tiluang a dîntir le, Israel fa tla
nih an tan. Jos. 3:16, Tawtawrawt hâu leh hâu fâk tak hen an âu le, Jeriko kulh
an chimtir Jos. 6:20. Amor lal
5 a neh na, ni leh thla khawm Gibeon leh Aijalon kuam a dîntir Jos. 10:12,42.
Bible
rêltu chu zei hen tahthimh asi?
Sam
1:1-3 ‘..Chu hâwi a um ngâk hen, LALPA dân ah chun lâwmnâk an
hâwl le, a sûn a zân hen anna sîn. Annih chu tinung vakapah – thing a kho mi, A
tiktê ah a rah tâwn mi, anah khawm châr dahlo mi hâwi an si; An thilti zeizawngah anna dingchang.’ Chun, an lâwptlo. Chu tla chu --1) Misual umdân zûllotu2) Misual tla thupêk duhlotu3) Pathian rangah mang tlâklo mi zûllotu. Churuangah – Thilsiam humhalhtu tha siding
kan tum lai, Lalpa lakah a ngauh hen, Thlacham hen leh Bible thu rel hen kanna
tang chiau ding hen kan sawm na.‘LALPA
thinlung tawngtu kan si chun chu nah hawng kan kalpi lai le, neinâk leh ram ṭha
chu hawng kan pêk lai’ (Num. 14:8).
------------------------------------------
KOREA KA KHUALTLÂWNG
---- Rev. Niangthawn Bawm
October 26,2015 Zîngtê
thlacham kan lâwi le, zîng buh kan ei. Chun Deajon District ah Christian Church
Pastor tla tawngpumhnâk an nei mi lakah ka tel. Kan Kawhmi Thâwngthâng, sînnâk
leh tuliau kan kawhmi thu tla an hawng ka simtir. Korea ram sungah anmah
Theological Seminary thawk hen sînnâk lîm mi ka si bâk ruangah thungâi hen an
hawng ka lawmh hen ka thusim ngâinuam anti. Sûn buh kan ei lîm nûnah Daejon
city thawk hen kan tlung le, Pastor Park Shin Jae Evangelical Holiness Church
ah a tawng ding hen kan kal rawh. Pastor Park Shin Jae hi munkhat sîn mi kan
si, zumhkâi leh reptak hen kawhmi a zauhkhenh. Chu thawk hen ka umnâk leikângah
kan tlung rawh.
October 27, 2015 Zîngtê Biakin
ah kan kal le. Ruah a sûrsut
le, a dâi hen a kîk mi rêng nêptuai asi lo. Thlacham lîm ah kan lâwi le, zîng
buh kan ei. Zîngah tak khawlhnâk munah tak khawlh ah kan kal rawh. Chunûnah
Hosea University ah chun Milton cha sînnâk ding hen application a thlaknâk
munma ah kan va kal. Hosea University hi thungâi a rokual hen campus munma
khawm a dawh hen a rokual. Hosea University ah ṭuantu tla leh Theology
Department ah mawhphurhtu tla hen thu kan ruat ual le, chu thawk hen kan tlung
nawlh rawh.
October 28, 2015 Zîngah
thlacham ding hen Pathian Biakin ah kan kal mi kan a lîm le, Zîng buh kan ei.
zeikhawm kal lo hen zânlei
2:00 tiang kan um le, Sûnnilei 3:00 ding ah Pathian thu sim ding hen Pastor Kim
Kil Tae Pyuongchon Christian Church ah kan kal. Hi church ah ka kal liauah
munkhat sîn hâwi tla Pastor Park In Yong, Pastor Kim Jin In leh
Evangelist Jong Han Yong tla khawm ka sinah an hawng kal bâk. Chunah, zânlei
buh khawm munkhat dut hen kan ei. Pumhnâk ah Pathian thusimnâk leh Ramthim kan rianṭuan
ruk tla ka suah. A lânah cha ka sîn liau hi Biakin ah Pathian thu ka sim mi
rawh asi, tutan khawm Pathian thu ka sim mi le, ka rianṭuan tla an muh hen thungâi
hen an a lâwm hen ‘thlachamnâk ah kan theihkumza lai’ an ti. Pumh suakah coffee
shop pakhat a cha ka sîn liau mi tla Yuanchan kuam pastor umtu tla an a phone
le munkhat dut hen kan to le, thuruatnâk kan nei. Dunglei kan a sînliau hun thu
tla tamtak thu an ruat. ‘Kan dunglei hun mang tla ngâi a kai ual a !’ an ti.
Hotel a man sâng mi lak an hawng kan tlungtir le, chunah kan riak chawlh.
October 29, 2015 Zîngtê
thlacham lîmah Pastor Kim Jin In hen kan thak le, Daejon city leikângah kan
tlung. Pastor Lee Ju Yuon hen kan a tawng hen Kawhmi upa leh pastor training
program an siam mi lakah tel ding thu a um hâwi hen Pastor Lee Ju Yuon hen kan
a tawng rawh chun training program lakah ka tel bâk. Zîng dâr 9:00 thawk hen 12:00
tiang kan a tel le, chu mi training program mun thawk hen ka hâwi tla Pastor
Park Yun Hyong nupa, Pastor Kim Jin In leh Evangelist Jong Han Young tla hen
munkhat dut kan a tawng le, Evan.Jong Han Young nih Daejon city ah hotel restaurant sâng
tak ah buh a hawng kan eipi. Chun, ka hâwi tla nih Coat châwk ding hen market
ah an hawng ka kalpi. Anmah nihan hawng ka châwk piak ving. Thungâi ka lâwm, chun
Pastor Kim Jin In khua leikângah chun kan tlung.
October 30, 2015 Zîngtê ah
thlacham kan kal nûnah Zîng buh kan ei le, Korea ram sungah Methodist Church
nih Apenzila Bible Museum an siam mi munma leikângah tâwi ding hen kan kal. Korea ram sungah
Bible sap tla nih an put rawh chun Korea hawlh hen, leh ding hen lawng thawk hen
Bible an kâipi masachemnâk munma ah chu mi Apenzila Bible Musium ti hen an
siam. Korea cha hen Bible an leh mi a dawmhnâk thawk hen tusun nitiang Bible a
siam mi chu, chu mi munah an siah.
Hi munah Biakin pakhat a um
le, chu mi Biakin min chu SawChon Tingpêkjong Church ti asi. Hi Church lakah
chun Korea ram leh ram dangdang mi tla museum zauh ding kaltu tla rangah Biakin
sungah darkar chanve ding hen Bible Korea ram ah siam a dawmhnâk thawk hen tusûn
ni tiang hen mi Video hen suahnâk an siam. Hi church lakah riant̩uantuchuPastor
Nam Kwang Hyon asi. An nupa hen tisumriat pangah chun an um le, mikhual museum zauhtu
zawzawng rangah chun coffee leh lakphak an dinh hep na. Mikhual kaltu tla khawm
nih museum rangah an tlawmhbelh ver na. Chun, hi church ah ṭuantu pastor hi
Hansung Theological Seminary ah sîn mi asibâk, kan a tawng le, thungâi hen kan
a lâwm. Keimah Hansung Theological Seminary ah ka sîn liau ah a nih khawm kha a
sîn mi a si bâk, Kum zeimawzat kan a muhlo rawh le, kan a philh ving. Kan a
tawng le,kan a theih nawlh. Pathian nih hun ṭhatak a hawng kan pêk hen hâwi tla
hen kan a tawng hi tusûn ni hi thungâi hen a rokual kan a ti.
October 31, 2015. Zîngtê thlachamkan lawi le buh kan ei, sun buh chu
Pastor Kim Jin In kawhmi member pakhat nih a hawng kan eipi. Buh an kan ei mi
chu Nepal ram buh-an suang asi. Chu mi Restaurant lakah chun Nepal ramah mi
Nepal nih buh-an asuang mi kan ei. Chun,
tlunglawmhchâwkah bazar kal mi kan a lîmle, Pastor Kim Jin In thawk hen Pastor
Hyun Chong Nam WoldKuk Church ahzânlei dâr 4:00 ahkan kal.
November 01, 2015 Zîngtê thlachamnâk pumhnâk lakah ka kal. Pathiannizîng
pumhnâk lakah chun keimah nih Pathian thu ka sim. Chun, Ramthim kan rianṭuan
munma leh Biakin kan sak mi tla ruk hen ka langh piak na. Ka thusim ngâi leh
ruk muhtu tla nih thungâi kan rianṭuannâk tlûnah hawng kan sawr. Chun, hun
sawttak kan a muhlo mi an kawhmi Biakin ah thusimnâk ruangah lawmhnâk fakpi an
nei. Pumh suak leh suaklo hen sun buh kan ei rereh le, Chungkok Church ah
thusim ding hen ka thawh nawlh. Thangjin City thawk hen sûnnilei 1:00 ah bus
hen ka thawh le, zânlei 3:00 ah Daejon city ah chun ka tleng rawh. Daejon city bus
stand ah chun Chungkok church Pastor Park Un Yung nih chun a hawng ka ngâk le,
amah hen a in leikângah chun kan tlung. Pathianni zan pumhnâkchuChungkok Church
ah ka pûm le, chunah thusimnâk ka nei. Hi church nih chun ka rangah a bîk tak
hen pumhnâk an hawng ka nei pi mi asi hen Missionary Pumhnâk ti a min an vuah
le, chunah pumhnâk kan nei. Hi pumhnâk program a um mi ruangah ah chun Pastor
Kim Jin In nupa leh Evangelist Jong Han Yong khawm an hawng kal le, special
Gospel song la saknâk Eangelist Jong Han Yong nih a nei. Kan ECC kawhmi nih kan
rianṭuanthu tla simnâk leh langhnâk ka nei hen thungâi tha an ti hen an alâwm. Kan
thilti-rianṭuan tla ‘thungâi a rokual’ an ti. Pumh suak ah nu pakhat nih kanramthim rianṭuan a tha thawk tuk le, Biakin
pakhat saknâk tangka dollar 1700 tluk a hawng pêk. Pathian sinah thlachamnâk ka
nei piak na le, ka tlungnâk in Pastor Park Un Yong in ah chun kan lâwi le, zân
12:00 tiang thu kan ruat le, kahâwi tla an lâwi le, kan it rawh.
November 02, 2015 Zîngtê,
thlachamnâkkal kanlâwi le, buh kan ei. Chun Daejon city ah iPAd châwk ding hen
kan kal. Chun kan kal pah hen Kawhmi Biakin panih kan veh na. Chu mi kawhmi tla
chu Zion Church, Pastor Kim Chon Kuk leh Mun Am Church pastor Song Yong Sok. Hi pastor panih
tla hen kan a tawng le, buh munkhat kan ei, thu tamtak kan ruat. Chun, munkhat
dut hen marketing ding hen kan kal le, iPad chu kan châwk. Zânlei bâi khet ah
chun Pastor Park Un Yong khua lei ah kan tlung.
November 3, 2015 Zîng thlacham leh buh ei lîmah Zînglei 9:00 ah YanChan kuam ah Kristian Church pastor um tla
tawngpumhnâk an siam mi Jang Song Church ah kan kal. Hi church ah meeting annalîmnûnah
The Flower Festival program ti hen an nei mi munma ah chun kan kal. Chunah chawmpâr zât
dangdang an nei mi zat chu a zât zât an siam le, chu mi munah chun an siah.
Chawpe ruk, sâiruk, va ruk ran zât dangdang ruk chawmpar top hen an toh le an
siam, thungâi hen zauh ding a um hena dawh mi nih ram a puitlingnâk a langhtir.
Chun, Pastor tla rualkhat hen sûn buh kanei. Zânlei 3:00 ah Thang Jin city lei
Wolkuk Church Pastor Hyon Chung Nam in ah an hawng ka thlah rawh.
November 4, 2015 Zîngtê thlacham
kanlawi ninah, buh ei khim ah zîng 10:00 ah Thang Jin Central Methodist Church
ah nu leh pa tla la sîn ding hen an timhtuah mi lakah kan kal. Chun, sûn dâr
12:00 tiang la anna sîn, chu mi lîmah Thangjin Central Methodist Church ah buh
munkhat dut buh kan ei. Buhei khimah kan umnâk Wolkuk Church ah chun kan kîr
nawlh. Zânlei pumhnâk ah
Pathian thu ka sim. “Thlacham leh Thilpêk” ti thupi mang hen Pathian thu ka
sim. Hi church ah chunNungâk leh ngâksia an umlo. Upa karo mi 60 tluk ding an
si. An biakin a ṭha hen thungâia dawh.
Chun, Pastor Hyan Chung Nam
nih a kawhmi tla a kuri neh na hen thungâi anna lungrual hen sawr an tlak asi.
November 5-6, 2015 Zîngtê Pathian sinah thlacham kan kal. Kan lâwi le, Zîng
buh kan ei lîmnûnah chun Thang Jin area ah Methodist Pastor dâwngsung picnic an
nei mi tla lakah ka tel. Thang Jin thawk Zînglei 9:00 ah kan a thawh le,
Chongju city ah sûn 12:00 ah kan tleng. Kan tlengnâk mun ah sûn buh kanei.
Chongju City sungah Museum a um mi tla leh tawihnâk munma park an siam mi
zawzawng tla khawm kan tâwi le kan zauh rawh. Chu thawk hen chun Chongju tidil
timeihlawng hen kan kal le, tivakap lungpang leh tiva kapah thing a dawh mi tla
kan zauh, picnic kaltu tla zawzawng nih thungâia nuam kan ti. Chu thawk hen
dunglei kankîr le, Chongju khuapi sîrah Hotel min thang thlo mi pakhat a um,
chu mi lakah kan tlung rawh. Hotel lakah tak khawlhnâk mun khawm a um chawlh
le, chu ti chu tual tang thawk hen tilum a suak chawlh mi asi. Laikulh thilsiam
lakah tilum tisuaknâk mun hotel asi.Minung khawm thungâi hen kan tam. A tlungtu
leh a hawng lût mi a phân hen â phân pang tâwn. Chun, hi ti lakah takkhawlhtu -
mi tamtak phâr, vun-râi leh rikthalo tla khawm damnâkan a ting tawn an ti. Chunah
zînglei kângah darkar 2 ding tak kan a khawlh. Takkhawlh kan a lîmahzîng buh kan
ei le, kan tlung rawh. Jongju city ah sûnbuh kanei. Chu mi restaurant ah chun
Bufe (an chingrang zât zeimawzat) a um mi lakah buh kan ei le, Thangjin city
leikângah kan a thawh nawlh. Thangjin city chuzân 6:00 ah kan tleng le, chu
thawk hen chun Pastor Kim Jin In leikângah kan kal. Pastor Yun Dong Ju nupa tla hen zânlei buh chu
Pastor Kim Jin In ah kan ei rawh. Buh ei kan a khim ka ah chun Wolkuk church Pastor
Hyan Chung Nam in ah chun kan lâwi rawh.
ECC Staff Couple Seminar 2016
July 29, 2016 (Laimini) ECC
Headquarters, Zion ah ECC Staff Couple Seminar hunah Workshop timhtuah mi lakah
Nupi leh pasal kar lakah duhdân hohnâk tla chu hi hâwi hi asi. Hi Hohnâk hi ‘Na
tâ ka tâ’ asi.
Nupi nih theih ding mi tla:
1.
Ro-êl ding asi lo
2.
Sîrleih hawlh-ka a mang lo ding
3.
A pasal unâu tla a dâwt na, zoh na ding
4.
Sum-pai dîrmun zauh hen thil hoh ding
5.
Mah insung thu midang sinah a sim lo ding
6.
Riant̩uan êng/rinhthlap a manglo ding – eg. Buh-an suang
7.
Thawhlâwm thilpêk chu a pasal tuanvo ah
a ruatlo ding
8.
Siat le that ni a sunhsak ding
9.
Hâwi mâiah maifawng ding
10.
Mi simsâwi hen kâ tam lo ding
11.
Khual umliau ah thinrunh mêl putloding
12.
Pasal umkal tlungdîm a thiam ding
13.
A dâithlanglo reptak um ding
14.
Khual sunhsak/ lawmhdân a thiam ding
15.
Nu-leh-pa inah tawih tâwk a theih ding
16.
Te-le-fa kuri a thiam ding
17.
Pasal nipuan ruk-aih a chek kumza ding
18.
Pasal duhkâng a theih ding
19.
Pasal sinah umkal zûl/tel hun a theih ding
20.
Zînglei a hunte thawk a theih ding
21.
Sum-pai dîrmun zauh hen rumrel a thiam ding
|
22.
Bible rêl/pumh kal a huam ding
|
23.
Pasal thîk a manglo ding
24.
TV zoh tâwk a theih ding
25.
Chipchiar a mang / râng a manglo ding
26.
Pasal duhkâng buh-an timhtuah a
huam ding
Pasal
theih ding mi tla:
1.
Dâwngsung Mâichâm/thlacham zulhpehpi na ding
2. Lênglei leh dâwngsung lakah hunmang a thiam
ding
3. Dâwngsung humhalh – sîntir dân a thiam
ding
4. Nupi riant̩uan lakah bawmhbelh a theih ding
5.
Nupi tlûnah râng manglo ding
6.
Aw-ka mang fâkpi hen suahlo ding
7.
Nupi buh-an suang sawr ding
8.
Rian nawk liau nupi bawmh theih ding
9.
Nupi nawknâi mi leh hamhnâk a theih piak
10. Nupi rangah râp manglo ding
11.
Nupi rangah bazar kal tla ênglo ding
12.
Riant̩uan kal lîmah lâwi tuan a ching ding
13.
Nupi lawmhkâng/duhkâng a theih ding
14. Lêngsuak ah tlêntlânglo hen relh ziar lo ding
15.
Sumpâi mang/rumrêl a thiam ding
16.
Nupi rangah zei siarlonâk a mang lo ding
Duhkâng mi Pasal Nun:
1.
Dâwngsungkhur thlachamnâk neipi kumza mi
2.
Munkhat hen pumhkal mi
3.
Thil zeizawng ah tlêntlângnâk nei
kumza mi
4.
Nupi unâu dâwt leh zauhkhenh ṭha mi
5.
Thil ṭha lakah mâifawngnâk nei mi
6.
Riant̩uan a bawmhtawnh mi
7.
Munkhat zâwlbâwm tla vehnâk neipi mi
8.
Dâwngsungkhur herhhâi a theih piak tawnh mi
9.
Dâwngsung leh te-le-fa zauhkhenh ṭha mi
10. Dâwngsung lakah lâwmthu tlunh a theih
mi
11. ‘Ka palh, hawng ka ngaihdam’ ti tla a
theih mi
12. Sûmkhonâk a nei mi
13. Nupi leh fa rangah bangchodâwtnâk neithlir
mi
14. Taksa –thlarau mâifawngnâk a nei mi
15. Dâwngsung
– ṭhaselo liau thlachampitu sawm theih mi
16. Face book/ Internet mang hun theih mi
Duhkâng mi nupi Nun:
1.
A suakthar ngelchel mi
2.
Pasal duhdân a theihfiang mi
3. A nunfual hen
‘Nu ka si’ ti â theih mi
4.
Te-le-fa Kilkâwi a thiam mi
5.
Rumrêl a thiam mi
6.
Khual sunhsak a thiam mi
7.
Mi thintâwi silo mi
8.
Pasal unâu rualsia a sunhsak mi
9.
Thusia-thutha sim hun a theih mi
10.
It lânah minute 10 tal thuruat kho mi
11.
DâwngsungMâichâm a sunhsak mi
12.
Pasal ṭih-zah a thiam mi
13.
Umkal tlungdîm thiam hen harsa thu sim
sawmlo mi
14.
Chipchiar leh râng manglo mi
15.
Aw-ka leh ri-h
u suah nêm doh mang mi
u suah nêm doh mang mi
16.
Mi thanuam/ Mi huam
17.
Pasal rangah Mobile sawnh dân a thiam mi
18.
Damlo zâwtfah zohkhenh thiam mi
19.
Umkal kar – thuherh chah mi philhlo mi
20. Pasal rangah man pêk dân a thiam mi
21.
Thil theihthiamnâk a nei ṭha mi
22.
Sum dehsuah mi mah tâ bîk tilo mi
23. Hun mang thiam (Pumh hun, thlacham hun rianṭuan vâukânnâk a theih mi
)
24.
Pasal rawngbâwlnâk thlawppi mi (Home visit)
25.
Nipuan mansâng duh-hamkah tuklo mi
26. Mah chantâwk Lungâwidân thiam mi
27.
Pasal thil châwk lawmh dân thiam mi
28.
Sûmkhonâk a nei mi
29.
Simsâwi manglo mi
30.
Tuankhai ah thinlung munkhat mi
31.Te-fa vuak manglo mi
32.
Dâwngsung din-ei duh bîk mi a theih mi
33.
Fa rangah siatbarh/chelh mang lo mi
34. Thîk manglo mi
35. Sanhtling bîk neilo mi
36. Khuatlâng duandân a zah mi
37. Thilpêk theih mi
38. Pasal tlûnah chuang tuk
39. TV zauh tuk
lo mi
40. Keimah thu ngelchel tilo mi
41. Pasal zohnawmh/siarlo manglo mi
42. Mi tâwi/khual umliau thinrunh mêl putlo mi
43. In sung thil herh a huntê ah sim mi
44. Pathian thu a duh a lawmh mi
------------------------------
Mobile: 01552733752, 01556980081
Deihnâk :1. Gentel hi au thla thawk
hen suak mi ?
2. Juda leh Israel an hawng suak dan theih ka duh?
---- Phendir, Model
Sângnâk:1. Gentel ti umzia chu Juda silo mi tinâk a si. Bawm Bible ah
‘Phundang’ ti hen â rîn. Juda
silo mi chu Gentel ti asi. Chun, C.I. Scofield nih chun ‘Origin chu Gen. 10:5
ah mi asi’ ati. Adam thawk hen Gentel chu a dawmh mi ti kho asi. Sem chu Hebrai
thlaktu asi. (Gen. 10:21) Eberthlâk tla rangah Gentel tla nih ‘Hebrai mi’ an ti
mi thawk Hebrai chu â dawmh. Juda tla chu Hebrai mi tla an ti na. Pathian nih
Abram a kawhnâk thawk hen chun Hebrai min hi a lâr. Aigupta tla nih ‘Mun dang
thawk hen mi’ (Hebrai) ti hen an auh
na. Juda tla nih chun - Juda silo mi chu ‘Gentel’ an ti. Gentel leh Juda mi tla anna umh mi chu
‘Hellenist’/ ‘Samaria’ an ti na.
Sângnâk:
2. A tîrah chun Israel
/Hebrai ti hen auh an si le, Solomon fapa Rehoboam a lal le, Marlei mi Israel
phun 10 tla an hel le, Israel /Ephraim anna ti. Rehoboam nih Simlei
ah phun nih Juda leh Benjamin cho a ting
le, JUDA
annati asi. Juda leh Israel anna ṭhêknâk /ṭhennâkchu Lalchem Solomon
sualnâk rah a fapa Rehoboam nih a kawih mi asi. (1Lal. 11:1-13, 12:1-17) Mâilei
tribulation tikah lam chun phun 12 an si lai rawh. (Thup. 7:1-8)
Deihnâk :Bible nih, Tualthah leh uire
tla hi a khap, Sikhawmsele, Sual rim/sîrnâk an nei chun Ruangsuah an si lai anti.
Ka theihfiang loh, Theihfiang ka duh?
---- Bawilian, Darjiling
Sângnâk:Ruangsuahnâk ding hen thil herh chem chu Lungnâk asi (Joh. 3:14-18), Chu nûnah,
Sual Rimnâk/sîrnâk (Mark 1:15) hi asi. Misual – ûirê or, tualthah khawm ‘Pathian
duhzia hâwi hen sual sîrnâk leh rimnâk nih Ruangsuahnâk a siam tâwn’ (2Kor.
7:10) ti asi. David chu tual thahtu leh uire miasi,sual sîrnâk leh Rimnâk a nei
le, Pathian nih, ‘David, Ka thinlung put mi’ a ti phah asi.(Thil. 13:22).
Theihtirnâk
.** Kawhmi tla lungkhamnâk fâktak neitu leh Lalpa
thu kiltir asi mi, mikip theihtir ding hen hawknâk neitu zawng nih Article a
rîn kho.
** Kawhmi Ârfi Thlakhat ah Tk. 10.00, kumsiar
veikhatnâkpêk vima mi kum khat vo Tk. 100.00.
Advisory
Board : Rev. Thî m khup Buiting
Rev. Pakshim
B.Tlung
Pastor
Zirkung Shahu
Editor :Pastor Zuamdîr Bawm
Associate
Editor :Pastor Rualchungnung
Pastor
Lal Duh Sâng Bawm
Circular
Manager:Evan. Lal Ruat Lian Bawm
Treasurer :Mrs. Lily
|
EVANGELICAL CHRISTIAN CHURCH
Secretariat: Zion, Ruma –
4620, Bandarban Hill District, BANGLADESH.
1) 2) 3) 4) 5) 6) 7)
8) 9) 10) 11) 12) 13) 14) 15) 16) 17) 18) 19) 20) 21) 22) 23) 24) 25) 26) 27) 28) 29) 30) 31) 32) 33) 34) 35) 36) 37) 38) 39) 40) 41) 42) 43) 44) 45) 46) 47) 48) 49) 50) 51) 52) 53) 54) 55) 56) 57) 58) 59) 60) 61) 61) 62) 63) 64) 65) 66)
_________________
Thlachamnâk
ah theih ding mi tla:
1.
Centenary Builing sak zulhpeh vima
kho ding hen
2.
Bangladesh Kristian harsatnâk
dirmun kiang ding leh kan ramsung misual tla an rim kho ding hen
3.
ECC nih Ramthim rianṭuan Thawngthang
Tha rian kan zulh kho ding hen
4.
Lunglo tla nih Kristian thilti an
muh hen Pathian an zah kho ding hen.
5. Summary :
Sl.No
|
Local
Church min
|
Taka
|
Ps
|
1
|
Happyhill
|
82,00
|
00
|
2
|
Munnuam
|
34,000
|
00
|
3
|
Arthah
|
16,800
|
00
|
4
|
Basatlang
|
40.600
|
00
|
5
|
Mualpi
|
38,200
|
00
|
6
|
Ruma Bazar
|
48,000
|
00
|
7
|
Lairunpi
|
45,600
|
00
|
Total : Nuainih singthum sângkhat zali
|
2,31,400
|
00
|
|
6.
7. Pasal Tlinhlonâk
8.
9.
No comments:
Post a Comment