CHRISTMAS 2014 LAWMHNAK

Vawlei pi cung Chin Churches hna nih Christmas Ni cu lunglawi ngai in kan hmang hna.  A tu bantuk in, kan Lai thil, bia le hla he Christmas Ni ah Pathian kan thangthat khawh zungzal ahcun vawlei cung ah Pathian sunparnak a langhter kho tu miphun kan si hrimhrim lai.  Kan miphun a fat te ruang ah santlai lo cu a si lem lai lo.  A sining tein a si peng i Pathian a ttanhmi miphun a si ko ahcun vawlei pi cung ah Khrih ceunak a langhter kho tu cu kan si hrimhrim ko lai.

April 2013 Lairam Tlawn Lio ah Bia an ka hal tawnmi:

1) Democracy kan si cang lai i kan fa le an tlung lai maw?
2) Ram dang ah Laimi nan tlau lai maw? ti hi a tam bik.

Bia ka lehmi hna:

1) Democracy nan si zong ah nan fa le hi an tlung lai lo, a tlawn in an in tlawn hna lai. Democracy nih rumnak a phur colh lai lo. Lairam ah dollar lo in um kha an celh lai lo. Hlawh ngei lo in um cu an caah a har tuk lai. Nain, kan umnak Washington, DC in Hakha khua hi ni hnih ah phak khawh a si cang i nan fa le nih an in tlawn khawh lengmang ko hna lai. Nan fa le hi Pathian bia in cawmken piak kan i zuam hna lai ti a si.

2) Ram dang ah kan tlau lai lo. Pathian nih ramdang ah a kan thlahning hi A bia le hla in aa nuam tti kho ding in A kan chiah caah kan Lai thilpuan i hruk in Lai bia le hla in Bawipa kan thangtthat khawh chung paoh cu kan tlau kho lai lo tiah ka ti hna.

Bia dang deuh in: USA lawng ahhin Laitlai Chin hna Pathian rian kan ttuan ttinak buu a simi CBCUSA chungtel khrihfabu lawng hmanh hi USA State 50 lak ah 25 reng lo chung ah kan um. USA khuapi 50 reng lo kan hngah. Khuapi min thang le lian an tam. Khrihfabu lian le a zatawk fang le a fa deuh Khrihfabu tete in kan um hna. Kan i chem alh tti hna. Lairam ah mission rian kan ttuan hna. Hi bantuk in, thazaang kan hlum thiam ahcun ram dang ah kan tlau lai lo tiah ka ruah. 

Nichuah le Nitlak Lairam ah khua a sami kan miphun hawi hna zong North America, Europe, Austrlia, New Zealand, le Asia ram Malaysia, Singapore le South Korea ah nan kal zong ah khual cu nan si ti lai lo tiah ka ti tawn hna. Pathian hi kan miphun cung ah A ttha hrimhrim ko!

A tang khrihfabu hna hi Christmas 2014 an hman lio hmanthlak 
kan hmuh khawh mi an si. Kan chap te lai.

 [cung] Texas Chin Baptist Church, Dallas, Texas

 [cung] Texas Chin Baptist Church Choir

 [cung] Dallas Chin Baptist Church Choir, Texas

[tang] Chin Evangelical Baptist Church, Indianapolis, Indiana

[cung] CEBC, Indianapolis, Indiana

[tang] Indiana Chin Baptist Church, Indianapolis, IN

 [cung & tang] Indiana Chin Baptist Church, Indianapolis, IN

 [cung] Indiana Chin Baptist Church

[tang] Chin Baptist Mission Church, Washington, DC

[cung] Chin Baptist Mission Church, Washington, DC

 [tang] Victorian Chin Baptist Church, Melbourne, Australia

 1) Victorian Chin Baptist Church, Melbourne Praise & Worship
Victorian Chin Baptist Church, Melbourne, Ausie Sunday Pumhnak


2) ICCF Pathian Thangthat, Lawngtlai
ICCF Pathian Thangthat