ICLS THAWNGTHANHNAK                                                                     MARCH 21, 2017

International Chin Youth Conference Tuahnak Kong

Hmun: Lawngtlai, Mizoram; Ni: November 24-26, 2017 [Friday – Sunday]

Date of Arrival: November 23, 2017 [Thursday]

Pathian nih lam kan hruai cio hram ko seh!  Chin tuanbia ah avoikhatnak leikhuaza Chin mino tonnak a si lai.  Chinmi hi Chinram/Lairam ah .5 million, Myanmar Kawlrawn ah .5 million, le India le Bangladesh ah .5 million [dihlak: 1.5 million] kan um tiin a buaktlak in ruah a si.  Pathian nih ramdang [ram thumnak] ah a thlah cangmi Chinmi hi a tlawm bik 70,000 kan si lai.  Malaysia ah thong 40-50 cu an um rih.  Milu in kan tlawm hmanh ah sinak in kan thanning a rang ngai.  Ramchung le ramleng he Chin mino cathiam an tam chin lengmang lai.  Hi Chin mino hna i hawikomh khawhnak lam hi kawl kan hau.  Cu caah, ICLS nih ICYC cu tuah ding in a timhtuah.

Lairam Jesus Christ Baptist Church, Lawngtlai, Mizoram nih International Chin Youth Conference cu tuah hmasa ding in an i ham.  Thangthar mino hna nih an miphun sinak an theih khawhnak caah a si ti a fiang ko.  Lawngtlai District ahhin milu 117,894 an um.  Mizoram districts 8 lak ah milu tam lei ah 4nk a si.  Lai Autonomous District tiin aa ukmi an si.  Lai holh an thiam lo nain Lai kokek taktak an si.  Nichual lei um Laimi dang he phun khat an si dih. Lawngtlai cu an khualipi a si. 

[tang] Lawngtlai, Mizoram

Lairam Jesus Christ Baptist Church nih ICYC Caah Timhtuahnak.

Organizing Committee cu a tanglei bantuk in an ser:

1. Rev. Dr. LH. Lalpekhlua

2. Rev. Dr. Lal Uk

3. Rev. Dr. Khar Ling

4. Rev. SL. Lalpuiliana

5. Upa Lalthanfala

6. Upa C. Hrangtthianga

7. Upa J. Sangthangpuia

8. Rbt. Rbt. Rintluanga

9. Rbt. K. Hre Kung

10. Dr. B. Zonunsanga

11. Dr. Malsawmtluanga Fanchun

12. Rbt. Er. Thawnglian Vuangtu

13. Pu H. Zonunmawia

14. Pu T. Vanlalmalsawmsanga

15. Pu C. Lawmsangzuala

16. Pu Hc. Vanlalruatpuia

17. Pu LH. Ramdinglian

18. B. Lalnunfeli

19. Roselyn S. Fambawl 

Member at large:

1. Rev. Dr. C. Duh Kam

2. Rev. Dr. Dennis Shu Maung

3. Rev. Thimkhup Buiting

4. Salai Cung Chin

5. Pastor Sang Hre Lian

6. Secretary, TABC Youth Dept.

7. Van Ceu Uk Khenglawt

8. Upa C. Ngunlianchunga

9. Rbt. H. Zothangliana

10. Pi Sangchhin Chinzah

11. Rbt. Er. Lalhumhima Chinzah

Conference tuahnak caah Budget Estimate

Rs. 120 lakhs proposal tuah a si.

Fund Rising Committee member hna cu:

1. Rev. Zion Varmawia Fanchun - Convener

2. Pu Stanley Hram Uk (USA) - Asst. Convener

3. Rev. Varrosanga

4. Rev. SL.Lalpuiliana

5. Upa LZ. Tluanga

6. Upa T. Zothankhuma

7. Pu Uk Nawl 8. Pu Joseph LS

9. Pu Ro Thawng

10. Rbt. C. Lalsawmzuala

11. Pu Lianchhuma Chinzah

12. Pu. C. Hmingthantluanga

13. Pu T. Vanlalmalsawmsanga

14. Dr. Malsawmtluanga Fanchun

15. Pu H. Zonunmawia

16. Pu Laltlawmlova Chinzah

17. Rbt. Er. Thawnglian Vuangtu

18. Rbt. H. Vanlalhruai

19. Pu Tlanzara Hranglung

20. B. Lungtiawii

21. Rbt. Neil H. Lalfakzuala

22. Roselyn S. Fambawl

Hi hlei ah hin Sub - Committee dang 13 a phun phun in ser a si fawn.

CACC Mino le ICLS Ramdang Mino Thlahnak

Chin mino 300-500 hi traditional music and dance he kal ding in a tanglei bantuk in timhtuah a si:

1. Hakha Baptist Association                                       150

2. Thantlang Association of Baptist Churches      100

3. Zotung                                                                                30

4. Matu                                                                                    30

5. Mara                                                                                    30

6. Chin Baptist Association, Kalaymyo                       50

7. Kanpalet                                                                               5

8. Mindat                                                                                  5

9. Gangaw                                                                                5

10. Zophei Baptist Association                                      30

11. Lautu Association of Baptist Church                    30

12. Senthang Baptist Association                                 30

11. Ram dang                                                                        10

Total:                                                                                     505

3) Mah le ram kong chimtu:

1. America                                                                             1

2. Australia                                                                           1

3. Europe                                                                               1

4. Bangladesh                                                                      1

5. CACC                                                                                  1

6. LJCBC                                                                               1

Leikhuaza Chin Mino an i ton khawh lengmang ahcun kan miphun bia le holh le nunphung cu an karh ter khawh ko lai.  Kan miphun hi a ral an that ter khawh lai. 

CBCUSA nih mino pahnih a thlah hna lai.  Hi nak dam deuh nih telpi kho ding in duhnak kan ngei.

[tang] International Chin/Lai Leaders Tonnak

Hmun: Lairam Jesus Christ Baptist Church, Lawngtlai, Mizoram

Ni: November 14-16, 2014

[cung] Lai Autonomous District in biaknak le uknak lei upa le International Chin/Lai Leaders

Lai/Chin ca le holh le nunphung kong ceihhmainak [consultation] cu ni hnih chung kan tuah. Hawikomhnak bu ser ding in hnatlak a si.  A min kong kan ceih tikah Lawngtlai Lai upa hna nih “Vawleipi nih kan miphun hi Chin tiin a kan theih caah kan dihlak nih kan hman ding a si” tiah an ti.   Cu caah International Chin Christian Fellowship [ICCF] tiah min kan bunh.  ICCF hi GCCF min he thleidan a har deuh caah CBCUSA BT nih ruahnak a kan cheuh bantuk in International Chin Literature Society [ICLS] tiah kan thlen than. 

International Chin Literature Society [ICLS]

Kan ca le holh le nunphung thanchonak caah ICLS hi tuah a si.  A pehtlaimi bu cu:
1. Chin Association of Christian Communication [CACC], Hakha, Chin State
2. Chin Baptist Churches USA [CBCUSA], Indianapolis, IN
3. Chin Christian Association of Europe [CCAE], Norway
4. Chin Christian Council in Australia [CCCA], Melbourne, Australia
5. Evangelical Christian Church [ECC] Bawm, Bangladesh.
6. Hill Tracts Churches Fellowship, Bawm, Bangladesh
7. Lairam Jesus Christ Baptist Church [LJCBC], Lawngtlai, Mizoram 

ICLSA Officers

1. President: Rev. Dr. C Duh Kam, CBCUSA GS

2. Vice President: Rev Cinzah Hrangzuala, LJCBC GS

3. Secretary: Rev. Dr. Dennis Shu Maung, CCCA President

4. Asst. Secretary: Rev. Dr. Lal Uk, CACC GS

5. Treasurer: Rev. Tial Lian, CBCUSA VP

6. Member: Rev. Thimkhup Buiting, ECC GS, Bawm, Bangladesh

7. Member: Rev. Ceu Mang, CCAE GS, Norway

8. Member: Rev. Dr. Khawl Lian, President, Hill Tract Churches Fellowship, Bawm, Bangladesh

ICLS Saduhthah:

Kan ca le holh le nunphung thanchonak hi a si.  Tuanvo a ngeitu bik cu CACC a si. Leikhuaza ram kip in CACC a thawnnak ding ah thazaang chuah cio kan hau.  Ca le holh kong ah bu pakhat lawng in si lo in, a miphun dihlak in tuan a herh.  Cu caah, vawlei cung ram kip ummi biaknak bu hna nih thazaang chuah ti hi kan herhnak a si. 

CACC nih a ngeihmi university pakhat Chin Christian University [CCU] hna hi thanchoter kan hau hna.  Union Theological College [UTC], Matupi hi dirkamh peng kan hau hna.  Kan i bawmh cio ahcun kan cawisan ter khawh lai.  Thazaang ngei kho si ahcun Chin Christian Institute of Theology [CCIC], Falam hna hi thapek a herh ngai.

ICLS officers nih:

(1) CACC nih Photo Offset hi ngei kho sehlaw ca le holh kong ah tampi rian an tuan kho lai tiah kan ruah.  Ngei ding in kan duhpiak hna.

(2) CBCUSA BT nih Hakha ah minung 3000 a tlummi hall ngeih kan herh tiah an timi hi Laitlai Chin khrihfabu dihlak nih i bawm cio ding in ICLS officers hna nih a tha tuk kan ti cio. Lairam Jesus Christ Baptist Church le Bawm upa hna nih Hakha ah thil sunglawi a um ding hi an duhpiak  ngai hna. Thil tha kong ceih tikah a hmang lemlo ding mi hna nih duhpiaknak hmurka an langhmi hi a sunglawi tuk.  Miphun khat sinak a langhnak a si.

Hakha khua Minung 3000 Tluam Hall Sak Dingmi Kong:

CBCUSA nih minung 3000 tlum hall saknak cu CACC, Hakha nih tuanvo la in kan thihruai hna sehlaw tiah duhnak kan ngei.  ICLS upa cio zong nih duh cio mi a si.  Myanmar ram chung CACC chungtel khrihfabu dihlak hna zong nih thazaang kan chuah cio lai i tlamtling tein kan sak khawh ko lai tiah ramchung upa cheu khat pumpak hmurka zong kan theih pah caah kan tha a nuam ngai cio.  CACC BM upa hna zong nih a tha an ti cio theu lai tiah zumhnak kan ngei ko.

Hall Saknak Ding Hmun

[cung] Hakha Christian Ministers Fellowship [HCMF] nih an ngeihmi hmun Vailamtah Thlacamnak hmun 40 acres chung ah sak a si lai.  Hi hmun chung ah International Chin Baptist Mission [ICBM] office inn zong sak a si lai.  Phaisa um cia a si caah tuan ah sak khawh a si lai.  Hall saknak hmun hi a um kho lai lo tiin lungrethei in kan rak um.  Hi Vailamtah thlacamnak pawng ah hmun rawn tha tuk hall pahnih sak khawhnak hmun kaupi a um ti kan theih ahhin Pathian nih Hakha khua hi a sermi a si hrimhrim ko tiah kan ruah cio.   

Evangelical Christian Church, Bawm

2016 Annual Assembly March 3-5, 2017 ah hruaitu thar thimnak an tuah. A tanglei ECC hruaitu hna nih April 28, 2017 ni in rian an thok lai.  ECC upa thar vialte, ICLS in kan don hna.  Pathian nih a ramkauhnak caah thluachuahnak he lam in hruai hna seh.

1.      

R     Rev. Peklian Bawm                       

General Secretary, Evangelical Christian Church

Cell No. +88 01859831447; E-mail: peklianbawm@yahoo.com

2.     Rev. Lalremsang                           

Associate General Secretary, i/c Board of Mission

Cell No. +88 01553747656; E-mail : lremsangsailuk@gmail.com

3.     Rev. German Sailuk                       

Associate General Secretary, i/c Pastoral Ministry

Cell No. +88 01553209485; E-mail : germansailuk@yahoo.com

Rev. Thimkhup Buiting, GS [hlun] sinah lawmhnak: 

Evangelical Christian Church, Bawm General Secretary sinak le ICLS officer pakhat sinak in Pathian ram kauhnak le kan Chin/Lai miphun rian ah Pathian sin thlacamnak he biatak tein nan tannak cung ah kan i lawm tuk hringhran.  A tang rihmi Bawipa rian na tuannak ah Pathian nih thluachuah in pe ko seh!   

Chinram Khualipi Hakha ah Leeng Cio U

Chinmi kan caah cun Chinram [Lairam] te lawng hi ram taktak in kan ngeih khawh mi a si.  Mipem nih umnak inn a ngeih zong ah ram a ngei kho lo.  Kan ngeih khawhmi vawlei cu Lairam lawng hi a si.  Leikhuaza Chinmi vialte nih Chinram khualipi Hakha khua ah len i tim u.  Vawikhat na len ah a tlawm bik USD 1000 tal cu Lairam ah na hman.  Kum khat ah minung 100 nih kan len khawh ahcun USD 100,000 cu Chinram income ah a cang lai.  Chinram ah a hmun ding mi inn saknak caah na hlut tikah na ram na ser a si.  Biakinn saknak caah na pek tikah Pathian ram na kauh ter.  Judah mi nih sal an tan hnu ah an ram an ser i Jerusalam biakinn an remh bantuk a si. 

[tang] Hakha, Chin State

Pathian Lo In Cun,

Kan ram kan ser kho lai lo. Kan khrihfabu a thangcho kho lai lo.  Pathian le miphun rian cu pumpak nih tuan khawh mi a si lo.  Kan dihlak Pathian thlacamnak he kan tuan lawng ah Pathian ram a kau kho lai.  Kan miphun hi a thangcho kho lai.

[cung] 5^th CBCUSA Civui

6^th CBCUSA Civui cu July 2018 ah kan tuah than lai. Indiana Chin Baptist Church, Indianapolis, IN nih an kan don piak lai.  A ni le can a phak lai ah thawng kan in thanh than te hna lai.  Pathian sin ah thla kan campiak cio u.  Amah sunparnak caah kan Chin miphun hi nung ko seh!

C Duh Kam

General Secretary

CBCUSA, Indianapolis, Indiana