Kawhmi Arfi

THILSIAM HUMHALH

Zeime kanHumhalh ding mi? Thilsiam tla hi asi.Thilsiam tla chu zei zei tla me?1)  Pathian nih a siam mi –Tual leh van ah mi  2)  Minung leh a thilsiam zawzawng tla 3) Krist thisen hen tlanh mi (Kawhmi)  tla  4) Kanmah mimal.Hi tla hi chu Thilsiam ver asi.

Pathian Thilsiam humhalh ding a herh mi tla zei zei?

Tual munma, Ti leh tivâ,  Mang leh Thing-mâu keuh tla leh ramsa,  Green House, Boruak,  Tirik tla, Thilnung tla. Chun,  Kan Phun tla -  Umhnâk, Culture, Hawlh, Literature humhalh a herh,  Minung Thilsiam lakah Humhalh ding mi tla zei zei? Kan Inlo, Thlâi tla,Khuatlâng thil tla, Kawhmi thil tla, Kan thil neihchia rerêng a tlo leh a dawh leh a ṭhangso ding hen zauhkhenh leh rung a herh. Kanmah mimal lakah a Humhalh ding mi zeizei?

Mah-mimal Humhalh ding mi zat 2. Taksa leh Thinlung. Taksa : A tawkzawn hen Din-ei, Turpâng ei khawm a dântê hen ei ding. Thinlung leh Nunchan :  Nâutirnâk, Sûmkhonâk, Zângfah-lungkhamnâk,Tei-ri-rialnâk. Zei hâwi hen Thilsiam zawzawng tla kan Humhalh ding? Humhalhnâk rangah Thil herh chem chu :-

Pakhatnâk: Lalpa lakah a ngauh thlir ding. 2Chro. 20:20b  ‘LALPA nan Pathian lakah a ngauhthlir u, chu tikah bir tak hen nan dîr lai. A Khuavâng tla thu an simh na mi chu zumhthlir ule,  chu tikah dingchangnâk nan tawng lai,’ ti hen Jehosaphat nih zapi tla chu thuchah hen krei a pêk na.   

Levi chi Kohat leh Korah  thlâk tla chu an dîr le, âu bu hen  LALPA Israel Pathian an chawnglawmh le, lasak anna dawmh le, an mêlmâ tla – Moab leh Amon nih Edom an do le, ruak dei a rîl phut. Berakah mun ah Melma thil-ri leh ran tla an  pumh mi ni 3 anna tâwk. 30  ‘Churuangah, Jehosaphat chu thlangam tak hen lai a rêl le, Pathian nih zei leizawngah himnâk a pêk’ ti asi. Hinah Ram hum ding hen kawrsen ṭha leh a ralthuam silo, Ram hum ding hen Sawrnâk lasak cho a herhzia kan muh. 

Panihnâk:Thlachamnâk henhumhalh ding 2Lal 19:19 ‘…..LALPA kan Pathian, tuah Asiria tla lakah mi chu hawng kan hum rawh, laikulh phun zawzawng nih nangmah cho ‘LALPA Pathian’ na si ti an theih khonâk ding hen’ ti hen Hezekiah chu LALPA mâika ah lasuikuat siah hen thla a cham le, 2Lal 19:35  Chu zân chun LALPA Vânmifial chu Asiria tla riak munah a  kal le, kawrsen 18,5500 a thah na’ Hinah khuapi hum ding hen Thlachamnâk cho a herh mi kan theih.

Pathumnâk: Bible rêl leh zûl ding.  Jos.1:8LALPA nihJosua sinah, ‘…. Pathian nan sawnhnâk kipah hi Dân bu (Bible) hi rêl kumza ding asi ti theih set rawh. A sûn a zân hen a sin le, a sungah rîn mi zawzawng tla hi zûl ding ti theih set rawh. Chu tikah na sul-le-lam a tluang hen na dingchang lai’ati.Dingchangnâk tawng ding hen  sum-le-pai mawh thiltikhonâk asilo ti a sim. Pathian thu putso cho a herh ti a lang. Bible rêltu chu zei hen tahthimh asi?Sam 1:1-3 ‘.. Chu hâwi a um ngâk hen, LALPA dân ah chun lâwmnâk an hâwl le, a sûn a zân hen anna sîn. Annih chu tinung vakapah – thing a kho mi - A tiktê ah a rah tâwn mi, anah khawm châr dahlo mi hâwi an si;  Anthilti zeizawngah anna dingchang.’  Chun, an lâwptloti asi. Bible rêltu tlachu :1)Misual umdân zûllotu2)  Misual tla thupêk duhlotu3)  Pathian rangah mang tlâklo mi zûllotu tla an si. Duhtak, Nangteh, Thilsiam tla humhalh ding hen a kângnung tla zeizeina mang?Dawn rih.Pathian thiltikhonâk lakah mi ma, Nangmah krai ma?

Thla masa pehpar   ……

KOREA KHUALTLAWNG – 2

---------  Rev. Niangthawn Bawm

October 3, 2015. Zîngtê thlacham ding hen Pathian Biakin ah ka kal mi,ka lâwile,  tak ka khawlh nûnah, breakfast ka ei. Puinkun ah Daedong Presbyterian Church ah thusim ding ruangah zîng 7:30 ah ka thawh. Yuel Seoul ah cha sîn thlah pah hen Pastor Yun Dong Ju hen Kwangju Train station tiang hen kan thlah le,Chun Puinkun ah Daedong Presbyterian Church ah chun kan kal rawh. Chun Pastor Yun Sawng Ilnih hawng kan dawng le, amah office ah ka to. Lakphak kan din le, Sûn 12:30 ah buh eiding hen kan kal rawh. Buh ei kan a lîm rawh chun inlei kan lâwi le, guest room ah chun ka dîn rawh. Zânlei buh ei a za rawh chun arsa thaw tak hen a suang le, buh munkhat dut hen kan ei.

October 4, 2015 zîng 11:00-12:00 pumhnâkahthusimnâk leh kanRamthimriant̩uan tla a ruk ka suah piak na le, thungâi hen ṭha an ti. Pathian thu ka sim mi thupi chu :Kawhmi nih -ThâwngthângṬha kan sim hen a rah a lang ngelchel ding asi. Kan simnâk munma ah Biakin dirh hen kan sak ding asi. Hi thu an theih le, Ramthim Biakin sak ding duhnâk an nei hen, mâilei sak ding chun theihtir ding hen Pastornih thu a hawng sim. Thusim tla an thinlungah thungâi hen rian a tuan.Sûnnilei 2:30 ah thusimnâk hun an hawng ka pêk nawlh le, chun ah khawm thusimnâk ka nei nawlh le, Thlacham ti thupi mang hen ka sim. Chun, Korea ram chu Pathian sinah thlachamnâk nan nei a tam ruangah Pathian malsâwmnâk nan tawng mi, thla nan cham hâwitê hen -Pathian thenhlîmh asi mi hâwitê hen nan ram a thenhlîmh hen a dawh ka ti piak na. Pathian umnâk ram asi ruangah nan lampi, nan khuapi, nan Thlâichîngnâk, khua tênâu tla khawm a dawh hen a rokual, hi tak hi Pathian nan a tlâinâk ruangah asi. Thu ka sim mi thungâi an lungnâ a tlâleṭha anti. Pumh kan suak le, Bâibul ka rêl rawh chun, buh kan ei le, Pastor Yun Sawng Il hen computer lakah thlalâk kan siam rem le, Pastor a lâwi le, ka it rawh.

October 5, 2015  ZîngThlacham ka lîmle, ka it nawlh ving.Ka thawk le, tak ka khawlh le, breakfast eiding hen ka kal.Zîng 10:30 ah Puinkun thawk hen sûn 12:30 pm ding ah KwangJu ka tleng le, China Missionary Poul You kan ram ah a kal awt mi hen  kan a tawng. China ram sungah a riant̩uanthu leh kan ram sungah kal hen rian a ṭuan ding thu la tamtak a hawng ka ruat pi. Kum vei ah China tla kan ram sungah an kal hen kan inlo munma tla an muh hen an ramah Thâwngthângṭhasimnâkruakhâuṭha tak siding hen sîntirnâkpêk na a thiltum. Chun, China ram ah munkhat hen kal ding hen a hawng ka duh. Chun, bus terminal ah Pastor Myang Shea Sok an nupa hen an hawng mi kan a tawng le, buh munkhat dut hen kan ei. Buh-ei kan a lîmle, China Missionary rangah train station ah kan thlah, chu thawk hen Haenam lei ah kan kal. Heanam hi chu Korea tualsa pehnâk lakah chun a dawnghnâk rawh. Chu thawk hen tisum riat thliar kar tete chu sâng zei mawzat a um rih. Ram pehtlâi zalnâk lakah chun a dawnghnâk asi. Chu mun ah tlâng sâng ial mi a um, chunah cabinet car hen kan kai. Chu thawk hen kanlâwi le, Pastor Myang Shae Sok Biakin kan zauh le, inah kan lâwi rawh. Kan lâwi rawh chun kan lâwipah hen phone a phone vima le, Hansung Theological Seminary ah kan sîn liau mi tla leh kan neh nûnah an a sîn mi tla kan a tawng le, buh munkhat hen kan ei.  Thungâi hen an hawng ka lawmh le, Kei khawm thungâi hen ka lawm. Lalpa Pathian nih kan mâilei hun hawng kan rui vima seh. Amen. Thlachamnâk ka nei le, ka it rawh.

October 6,2015 Zîngtê  dar 4:00 ah thlachamchu an kal ver rawh ruangah inah thlachamhen ka um ko rawh. Tak khawlh lîm ah buh kan ei. Chun, Haenam Uhangri Dinosaur Tracts Site ti mun ah kan kal le, Dinosaur Musium kan va zauh. Kum zeimawzat lânah Haenam tisumriat sîrah Dinosaur a um hen an sim. Lung lakah a keneh tla khawma um.Tiva kapah in rokual tatak tla an sak. Chumi nûnahPastor Cho Yon Yang inah tleng tiang hen Pastor Myang Shae Sok nupa nih an hawng ka thlah. Chunahzânlei muisulsalri ka it. An hawng ka thawh le, bazar ah buh ei kan kal. Kan lâwi le, thu kan ruat ual nûnah kan it rawh.

October 7, 2015 Zîngtê mâi ka phiah le, breakfast ei  lîmahThingmau Musium zauh ah kan kal. Thing minung nih kan mang mi a ṭangkâizia thil chikip kan mang nawh mi kan dawt hen kan khunh riah kho ding hen museum tha tak an siam mi zînglei 11:00 ri kan zauh le, sun buh hotel ah kan ei. Sunnilei dar 3:00 ding ah Mokpo leikângahkan kal. Mokpo ah zânlei 5:30 ah Cinema an hawng ka zauhpi. Cinema ka zauhlonâk kum 20 tluk asi rawh. Keimah khawm ka ning a zak susur re.Chunûnah, Pastor Cho nupa nih phuffe an hawng ka ei pi, thaw tak hen ka ei. Chun, Haeje ah an ka thlah le, zan 9:30 ah kan  tleng. Pastor Yundong Ju nupa leh Pastor Cho nupa thuruat lîm zân 11:00  ah an tlung le, ka it rawh.

October 8, 2015 Zîng5:00  Biakin thlacham ka lîmah tak ka khawlh le, breakfast ka ei. Haeje ah Kawhmi Pastor leh Upa tla Kawhmi kip an um mi tla football suihnâk program an siam mi kan zauh na. Pi Pian Nun Suk hen sun 1:00  buh ei khim ah kanlâwi rawh.

October 9, 2015 Zîngtê Thlachamlîm inah tak ka khawlh le, breakfast ka ei.Sûn 12:00  tiang inah kan um.  Sûnnilei 1:00 ah Pastor Mira, kum 50 nungak pasal neihnâk ah kan kal le, buh kan ei. Buhei lîm ah Daejon city leikângahZânlei 3:00 kan tlung rawh. Daejon city ah Zânlei 5:30 kan tleng le, Hansung alumni tla nih mission team an dirh le, office an lâng mi lakah kan kal le, chicken fry thawtak kan ei. Chun Bethel church ah ka riak.

October 10, 2015 Zîngtê ka ti dan pangâilîmnûnah Chong Dong Church ah Yusep nih hawng ka thlah le, kan room Chipsanim hen kan thenh vik le, Pastor Yun Dong Ju nupa rangah chun ka ngâk na. Sûn 12:15 ah an hawng tleng. Mission team tla munkhat dut hen buh ei ding kan to le, keimah nih thla ka cham le, kan ei rawh. Buh ei lîm ah Pastor Park Shee A office ah tonâk an nei mi a lîmnûnah Bethel Church ah Pastor Yun Dong Ju nupa hen Pastor Jeong Jong Yual Nupa thuruatnâk an nei le, Yundong Ju nupa chu an khua lei ah an tlung rawh. Zânlei buh chu Yusep nih restaurant ah thawtak uisa hen kan ei.

October 11,2015 Zîngtê  thlacham ding hen Biakin  ka kal le, a renh mi ka awng kholo ruangah ka lût kholo. Chun, Yesu Shengmyang Christian Church ah thusim kal ding hen tîm chia hen ka um le, Chun, Yusep nihdar 9:30 ah hawng ka thlah rawh. A kawhmi member tla chu tarnu tarpa tla hep, chun lunglotu tla a sâwm na le, Pathian thu a simh na mi asi, Thâwngthâng Tha zanh tatak a tuan hen ka muh. An herh mi tla a pêk na le, Pathian thu a simh na. Tarnu tarpa tla khat dil mi 40 tluk deng mang pumhnâk nei hen Kawhmi a dirh.Hamh tak hen Pathian rian a ṭuan a rokual ual ka ti.

Sum-pai tawnglei silo hen hêu hen Thâwngthâng tha a tuh na, Pathian nih a riant̩uan  ah tangpi vima seh.

October 11, 2015 ni ah chun Church of Jesus Life ti mi Kawhmi ah zîng pumhnâk kan nei a lîmnûnah chun, Kawhmi Upa leh Pastor tla hen buh ei kan a lîmnûnah chun John Yusef nih a hawng ka dawng le, Sûnnileidâr 2:00 pumhnâk thusim ding hen Kimsan Evangelical Holiness Church ah chun ka kal rawh. Chunah Pastorchu Kim Ju Won asi le, kawhmi member khawm thungâian tam. Pathian thusimnâk leh Ramthim kan Riant̩uannâk munma PowerPoint hen a ruk hen ka suah piak na le, thungâi hen an a lawm. Hi kawhmi hi thungâi hen anlîm. Pumh suak ah Daejon city ahkan tlung nawlh rawh.

October 14, 2015 (Nilai ni)zân ah thusim ding hen Pastor Kim Yong Thae nih hawng ka sâwmle,Pastor Park Shea A a nupi leh rualbanhlo Ngâksia pa 2 tla hen kan kal rawh. A Biakin min chu Yunsan Christian Church ti asi, hi kawhmi chu khua tê ah kawhmi um mi asi hen tarnu leh tarpa tla hep an si. Hi kawhmi tla sinah chunPathian thusimnâk leh Ramthim Biakin dirhnâk munma leh Ramthimriant̩uan tla ka muh na. PowerPoint hen ruk an muh rawh chun kan Ramthimriant̩uan tla thungâi hen tha an ti. Pathian riant̩uan munma tla an muh rawh chun thungâi hawng kan sawr hen kan riant̩uan  tla thawk hen sîn ding mi tamtak an muh. Thusim ka lîmle, kan umnâk Daejon city lei kângah chun kan tlung rawh.

October 16, 2015 Zeizawng ka lîm ver nûnah, Zînglei dar 9:00 ah Pastor Kim Yong Thae nih a hawng ka dawng le, Sinphyong Presbyterian Church Pastor Swe Sung Thae umnâk ah kan kal. Kan tleng le,an Kawhmi Upa dâwng nih Restaurant sâng tak mi lakah buh hawng kan ei pi. Pastor Kim Yong Thae khawm amah khua lei ah a tlung nawlh rawh.

October 17, 2015 Zîng mi ka lîm ver rawh chun, zînglei dâr 10:00 ah Umhnâk puai ah kan kal. Umhnâk puai rokual tak lakah buh-an thaw tak kan ei rawh. Chunûnah,‘Lungman tam Musium’ah kan kal. Laikulh ah lunglu, Ngûn, lungmantam chi 12 Thuphuang lakah a um mi tla ka muh ver. Lungman tam chi dang dang a um mi, a rawng a dang mi tla ka muh hen thungâi hen a dawh hen a rokual ka ti. Pathian malsâwmnâk rokual tak ka ting hen Lungman tam chi dang dang a um mi tla ka muh hi thungâi lawmhnâk ka nei.

October 18,2016 Zîngthlacham ka lîm ver nûnahZînglei dâr 11:00 ah pumhnâkkan nei.Chulakah Pathian thu ka sim le, thungâi hen ngâinuam an ti. Chumi lîmahECC Ramthimriant̩uan tla PowerPoint hen ka zauhtir na le, thungâi tha an ti hen sawrnâkhawng ka pêk. Kan a pumhnâk tla lakah lapawl dawh tatak remhnâkan nei. Hi Biakin umtu tla thungâi hen an a lungrual. Kawhmi zûnzauh tlâk tak mi pakhat si. Pumh suak ah buh kan ei khim leh khimlo hen Chonju khuapi lei kan kal. Sûnnilei 1:30 ah Chonju Sobu Presbyterian Church ah kan tleng. Hi church lakah  ka hâwikamh Pastor Yun Hyon Yal chu Senior Pastorasi. Kan tleng le, zânlei 2:00 ah pumhnâk lakah Pathian thusimnâk ka nei.Ramthim kan riant̩uan  leh Biakin sak mi tla PowerPoint ka zohtir na le, Kan Kawhmi riant̩uan ruangah sawrnâkfâk tak an hawng ka tingtir. Pumh suak ah Kawhmi ruitu tla hen thu kan ruat le, munkhat dut Zânlei buhrestaurantah kan ei. Hotel sâng leh man tamtak mi lakah chun an hawng ka tlungtir rawh.

October 19-22, 2015 Zînglei dâr 10:00 ah Pastor Yun Hyon Yal nupa nih Hotel ah an hawng ka fûk le, kum zeimawzat lanah Chongju Lal a lalnâk in leh munma tla museum an siam mi lakah kan tâwi. Chonju Khuapi ah Biakin sak hen a um mi Roman Catholic Church kum 100 lenglo rawh mi Biakin khawm kan zauh. Christian tamtak chu mi Biakin zauh ah an hawng tawn. Pastor Yun Hyon Yal nupa hen sûn buh-ei lîmSûnnilei 1:00ah Paul Bible Healing Ministry Training munah an hawng ka thlah. Hi ah ni 19-22 October 2016 tiangah training hen ka um. Chunah Kawhmi lakah Pastor, evangelist leh Pastor nupi tla anna tel. Ekte mi 40  ding kan si. Ni 22 Sûn -nilei 1:00 ah Soguang Presbyterian Church ah ka kal.

October 23, 2015 Zîng ah thlacham kan kal mi chu thungâi a dâi ruangah kawrdawhlum ka ruk.1987 kumah Hansung Theological Seminary ah kâitu tla hen Soguang Church ah tawng pumhnâkan nei mi lakah ka tel. A bîk hen ka rangah lâwmthu leh kan Kawhmi riant̩uan dân thu an hawng ka simtir le, ngâinuam an ti thlo. Topumhnâklîmah sang leh lakphak kandîn.Chun tisumriat kapah ngasa heleinâk munah kan kal. Palang lianpi sungah an vulh mi an tleih le, an thah le a hel hen kan ei rawh. Nga hel mênza khawmsele a hel hen ei tâwn mi zât asi ruangah thawtak hen kan ei ko. Chunah kan tâwi le, Zânlei bâi dêp ah kan umnâk munma chiau ah kan tlung rawh.

October 24, 2015 Zîngte Pathian sinah thlacham ding hen Pathian Biakin ah kan kal. Jungbu District ah Christian Church Pastor tla tawngpumhnâk an nei mi lakah an hawng ka sâwm le, ka tel. Chu mi hun ah Kan ram thâwngthâng leh Kawhmi riant̩uan chungchang tla ka sim. Ka thusim ruangah thungâi hen an hawng ka lawmh. Hansung Theological Seminary ah sîn mi ka si ruangah ka professor tla khawm Pastorriant̩uan  hen an um pung le, thungâi hen ka thusim ngâinuam an ti. Topumhnâkan nei mi lîm ah buh kan ei khim le, Songlîm Evangelical Holyness Church Pastor hen a tawng ding hen kan kal. Songlîm Evangelical Holiness Church Pastor nih Kawhmi Ramthim kan riant̩uan kângnung tamtak a hawng ka deih le, ka sim piak le, thungâi tha a ti. Zânlei bâi khet ah Soguang Church Pastor Kim Jin A hen chun amah in leikângah kan tlung rawh.

October 25, 2015 Zîngtêthlacham kan kal. Ka lâwi le, breakfast kan ei thluh ahzînglei 11:00 ah Soguang church ah zîng pumhnâk an nei le, chulakah Pathian thusimnâk leh Ramthim kan riant̩uan PowerPointhen ka suah piak na. Hi church chu Choir Group an nei, la dawh taktak an remh an sak. Chun, hi church ah Pathian thusim ding mi thlakhat lanah program a um ruangah Bawm la bu ah mi, “Aw Pathian nang Lalchem na si,” ti mi la Bawm hawlh hen ka rîn piak zit na mi thu ka sim liau ah munkhat dut hen kan sak. Hi local church hi anna lung rual hen nungâktlangvâl tla khawm pumh an sunhsak. Pastor khawm la sak duh mi tak asi hen an kawhmi tla lasak nuam an ti. Ka thusim leh kan riant̩uan  thu tla ka sim mi an theih le,ṭha an ti hen lawmhnâk an nei. Pumh suak ah buh  kan ei le, Sûnnilei 1:00 ah Bochong Baptist Church ah kan kan kal. Chun ahPastor Park Chan Khyong nih amah church phanh lânah hawng kan ngâk ko. Sûnnilei 2:00 ah kan na pûm. Chunah keimah nih Pathian thu ka sim leh kan Ramthimriant̩uan  thu tla PowerPoint hen langhnâk leh simnâk ka nei. Pathian thusim ngâitu tla thungâi hen an alâwm. Pumh suak ah Kawhmi upa pakhat nihRestaurant sângpinâk ah vawksa hen thawtak a hawng kan ei pi. Buh eilîm chiah hen kan tlung le, ka Professor Rev. Kim Dae Khyang Hongsong Central Methodist Church ah kan kal. Chunah, Rev. Kim Dae Khyang nih Artist Musium a biakin chawnh khatnâk ah a siam mi kan zauh.

Hun sâwt tak a hawng ka muh lo mi a hawng ka muh hen thungâi hen a lawm. Kawmhnâk zân sâwt ial kan mang le, chun zânah ka umnâk Rev. Kim Zin In in ah kan tlung rawh.

October 26,2015 Zîngtê thlacham kan lâwi le, zîng buh kan ei.Chun Deajon District ah Christian Church Pastor tla tawngpumhnâkan nei mi lakah ka tel rawh. Kan kawhmiThâwngthâng,sînnâk leh tuliau kan kawhmi thu tla an hawng ka simtir. Korea ram sungah anmah Theological Seminary thawk hen sînnâklîm mi ka si bâk ruangah thungâi hen an hawng ka lawmh hen ka thusim ngâinuam anti. Sûn buh kan ei lîmnûnah Daejon city thawk hen kan tlung le, Pastor Park Shin Jae Evangelical Holiness Church ah a tawng ding hen kan kal rawh. Pastor Park Shin Jae hi munkhat sîn mi kan si, zumhkâi leh reptak hen kawhmi a zauhkhenh. Chu thawk hen ka umnâk leikângah kan tlung rawh.

October 27, 2015 Zîngtê Biakin ah kan kal le. Ruah a sûrsut le, a dâi hen a kîk mi rêng nêptuaitai asi lo. Thlacham lîmah kanlâwi le, zîng buh kan ei. Zîngah tak khawlhnâk munah tak khawlh ah kan kal rawh. Chunûnah Hosea University ah chun Milton cha sînnâk ding hen application a thlaknâk munma ah kan va kal. HoseaUniversity hi thungâi a rokual hen campus munma khawm a dawh hen a rokual. Hosea University ah tuantu tla leh Theology Department ah mahphurhtu tla hen thu kan ruat ual le, chu thawk hen kan tlung nawlh rawh.

-----------------------------------------Thla masa pehpar ………

Ramthim Challenge

-       Pastor Rualchungnung

-        

Tukum 2016 Ruma Area  Local Church tla sinah Ramthim Challenge nei ding hen mawhphurhnâk BME nih hawng kan pêk hâwi hen – kei leh Pu Lalremruat A/M Hebron mi chu kan kal. Thutiamtu zawzawng sinah Lalpa Jisu min hen lâwmthu ka tlunh na. Chu tla chu :-

Ruma Bazar Local Church : Tk. 48,000/-.

1)  Pastor Zuamdir – 3000/-,  2) Pu Zing alh – 3500/-   3)  Pu Lalsangtawn – 3000/-    4)  Pu Simkhup – 4000/-,  5)  Pu David Shaha  2000/-, 6)  Tv. Jacob  - 500/-,   7)  Pu Lalropui – 100/-,  8) Nk. Sanipar – 200/-, 9) Pi Parzingmawi - 500/-, 10)  Nk. Thuamsangkim  - 500/-,  11)  Tv. Rualza khum – 500/-      12) Nk.Man iang zual – 100/-,   13)  Nk. Lucky  - 500/-,   14)  Nk. Ruboni  - 600/, 15) Pi Zirsangkim – 2000/-,          16) Pi Zingpar mawi -  1000/-,   17)  Pi Nizing – 500/-,   18)  Pi Chawmthawn  - 500/-,  19) Pi Chaihphen –1000/-, 20) Pi Ruatthliar –500/-, 21) Pi Hamhngir –1000/-,    22)  Pi Parnem  - 1500/-, 23)  Pi Par kimmawi –1000/-,  24) Pi Zaithangpui–1000/-, 25) Tv. Singzir lian  - 2000/-,  26)  Pu Lalnun kung  - 500/-,   27)  Pi Lalzaeng–500/-,  28) Pu Lalchungsang– 5000/-  29) Tv. Rinhsang - 3000/-,  30)  Pi Lalliantluang – 2000/-, 31)  Nk. Lawm par –2000/-, 32) Pu Thliarsang-1000/-,33) Pi Rempar – 2000/-, 34) Nk. Jecky (Apheng) – 1000/-.

Lairunpi Local Church 45,600/-.

1)  Pi Lalminmawi – 1000/-,   2) Tv. Lalrithang – 500/-,        3) Tv. Lalhunngak 500/-, 4) Tv. Lalremlawm 1000/-,             5) Pi Siamveng 500/-, 6)Tv. Vanlalrem 500/-, 7) Tv. Lalrawngbawl - 400/-,  8)  Tv. Halleluiah – 300/-,      9)  Pu Ngun tlinh  -  1000/-,  10)  Pu Zuamkhup -  1000/-,   11) Pi Zingmunsiam - 500/-,        12)  Pu Ramngak -  1000/-, 13)  Pi Zingnuai - 500/-, 14)  Tv. Ramtiamngak 500/-, 15)  Tv.  Lallawmzual - 500/-,  16) Upa Ramkhup – 1000/-, 17)  Pi Singrui 1000/-,  18)  Nk. Zingparmawi - 500/-, 19)  Pi Saikil – 600/-, 20)  Pi Zingengmawi – 1000/-,   21)  Pu Vanlian – 1000/-,22)  Pi Lalzarmawi - 500/-, 23)  Nk. Zingruatkim - 500/-,          24)  Nk. Virgin – 500/-, 25)  Pi Semhei – 500/-,  26)  Pi Laldinmawi – 3000/-, 27) Pi Bawmpar –500/-,  28)  Pi Laldawn mawi–500/-,  29)  Nk. Thlamuankim – 500/-, 30)  Tv. Lalhumlian – 500/-, 31)Tlawhthang 300/-(KNGP)  32)  Tv. Zoramthar – 200/-,33)  Tv. Lal -minsang – 2000/-,   34)  Pu Flag   -  1000/-,  35)  Pi Lalrinzing – 500/-, 36) Tv. Thiam thangkhup – 500/-,      37)   Vanmalsawm – 300/-, 38)  Luis Zingdawnkim – 300/-,  39)      Pu Tuanlian – 1000/-, 40) Tv. Lallianngak – 400/-, 41)  Lal lian nuam – 300/-,        42)  Gift-Son – 200/-, 43)    Pu Vanṭhalian – 1000/-,  44) Pi Esther – 800/-, 45) Zingremkim – 200/-,  46) Rualnunpar – 500/-, 47)  Abigail –100/-,48) Zingruniang - 500/-,49)Milian500/-,

50)Thangpui–500/, 51) Tv. Lalngaihsang–500/-, 52)Tv.  Singnuaisang– 500/-,53) Pu Vanremlal 1000/- 54)  Mission Suncheuthang 100/-, 55) Rualneih–100/-, 56) Pu Lalthawnlian–1000/-, 57)  Upa Sawmkhup -– 500/-, 58) Pu Lianthawng–1000/-,

59) Pu Vanchunglian –500/-,  60) Pi Vanlalkim – 500/-,         61) Rodi Elnunpar–500/-, 62) Medi Remruatpar – 500/-,  63)    Lalduhsang – 500/-,   64)  Pi Rialkil – 1000/- leh Puan zun 1,  65)  Pu Lalhauthang – 500/-,   66)  Pi Lalhimkung   – 500/-,  67)  Luk – 500/-,  68)  Gevesi Lalawmzel – 200/-, 69)  Ainonpar – 500/-, 70) Lalzumhkâi–200/-,71) Zingdikmawi – 200/-, 72)  Upa Sangzuam – 3000/-,  73)  Evid Lianminsang 100/-,

Summary :

Sl.No	Local Church min	Taka	Ps
1	Happyhill	82,00	00
2	Munnuam	34,000	00
3	Arthah	16,800	00
4	Basatlang	40.600	00
5	Mualpi	38,200	00
6	Ruma Bazar	48,000	00
7	Lairunpi	45,600	00
Total : Nuainih singthum sangkhat zali		2,31,400	00

GProCongress Training

                         Rev. Thimkhup Buiting

Dr. Ramesh Richard nih timhtuah mi, GProCongress Pastoral Training chu June 15-22, 2016 tiang Bangkok, Thailand ah timhtuah asi le, July 15, 2016 hi participants tlengver ni asi. Bangladesh ram thawk hen mi 40 tlun kan a tel le, kan ECC kawhmi thawk hen mi 5 visa kan apply mi lakah keimah pakhat cho visa ka tawng kho le, July 15, zing dar 8:34 Hajrat Shahjalal International Airport thawk hen kan a thawh le, Suvarnabhum, Bangkok Nternational Airport, Thailand chu sawtlote darkar nih chanve ah damte hen kan tleng. Airport ah volunteer murui nungak tlangval rual tla an T shirt ah iserve rin hen a um mi tla nih chun hawng kan dawng. Airport thawk hen Bus lianpi hen chun Asia ah Convention Hall lianchem mi Impact Hall asi. Hi Impact Exibition Hall kuam kauh zia chu Area 11,165 sq.meters a um. Registrations ding hen kan lut rawh. Hall lianpi an kan lut rawh chun registration kan a lim le, mobile roaming SIM participant kip rangah pakhat seng hawng kan pek. Chu zan thawk hen chun Conference chu Dr. Ramesh Richard nih mipi zawzawng rangah chibai,lawmthu tlunhnak a nei le, conference hun chu zankhatnak dawmh asi.

Zanlei buh ei lim zan dar 8:30 ah kan tlungnak Hotel lei ah Bus hen hawng kan lawipi rawh. Hotel tlungnak mun 6 an timhtuah. Chu tla chu:

1.     Luxor The Egyptian Design Hotel

2.     Amari Donmuang Airport Hotel Bangkok

3.     Miracle Grand Convention Hotel

4.     Asia Airport Hotel Bangkok

5.     Richmond Stylish Convention Hotel leh

6.     Novotel Impact Hotel. (Hi hi chu Impact Hotel hen kalnak leilawn hen a zawm mi)

Kei tlungnak Hotel chu a 2 nak mi Miracle Grand Hotel asi le, kan tlungnak hi a dang tla ngak hen a remchang khun mi hawi hen hawi dang tla nih an sim. Conference nak munpi Impact Hall kal lanah kan tlungnak ah Breakfast kan ei tawn le, menu dang dang buh-an tlar hen an toh mi kanmah duhdan hen kan lak le, nuam tak hen kan din kan ei, chu limah thlairah kan ei kumza tawn, thungai a nuam hen thinlung a lawmhtir.

Kan tlungnak thawk hen kan conference hall Impact Hall ah zing dar 9:00 ah hawng kan kalpi le, nitlak hen hall ah kan um. Sun buh khawm Impact hall ah kan ei le, zanlei khawm chunah zan chaw kan ei. Zing siar hen zing pumhnak kan nei tawn le, thusim ngainuam tatak speaker dang dang mang hen hawng kan sintir tawn. Hi zing pumh hi, mah duhnak chiauah kan a pum ta masa le, a nehnun chun Hallpi ah kan kal le, mah min A, B, C...wise hen .........Z  tiang hen alphabetical hen table kip ah hawng kan toh le, nisiar hen hi table ah question a um mi discussion limah sangnak kan siah vima. Hi mi program lim rawh chun tea break/cofee break mah duh mi chiau din-ei ding mi tla ei hen sawkkhat hun kan mang. Chu mi lim rawh chun hall dang dang ah plenary session kan nei nawlh le, Pathian thu ngainak leh workshop kan nei vima. Plenary Session limah hi hawi hen ni 16-22, 2016 tiang chu hun mang hen GProCongress Pastoral Trainers conference chu tluang tak hen kan a lim.

Hi Conference Bangkok, Thailand ah um kho ding hen mawhphurhnak laktu kan unau Rev. Enock chu vanduai kai tak hen Conference lante ah hawng kan thih tak le, teltu tla nih thungai pawi kan ti hen kan ui le, dawmh zan masachem ah amah rangah  minute 30 buk  hen sunnak kan nei. Amah dunglei ah Christian kawhmi dang dang tla ruitu um mi tla nih kha mawhphurhnak lak hen ram 120 thawk hen palai hawng kal mi conference Bangkok, Thailand ah mikhual tamtak mi 3000 tluk umkho, din ei kho kang dawh tak hawng kan timhtuah piaktu Thailand Christian Fellowship murui tla sinah lawmthu faktak ka tlunh duh na. Hi thilti hi zunzohtlak tak hen ka muh.

Hi hawi hen Pathian malsawmnak zarah laikulh harsatnak dangdang kar lakah zeikhawm nawk-buainak umlo hen GProCongress Patoral Trainers conference chu Dr Ramesh Richard leh a hawi tla ruinak leh timhtuahnak hen tluang tak hen July 22, 2016 zan ah kan a lim. Zan dawngh zan madung chu pumhnak limah kan a pumnak Hallpi ah buh-an einak rokual ual hen an timhtuah le, munkhat dut hen zan chaw buh dumnak kan nei ta le, Dr. Ramesh Richard nih mipi teltu zawzawng sinah lawmthu faktak tlunh hen kan conference chu kan a lim rawh. Thil zeizawng tlunah malsawmnak pektu Lalpa Pathian min chu sawr hen um seh.

____________________

Mobile:  01552733752, 01556980081

1.   Deihnâk  :Ran a thî ei a thiang leh thianglo theih ka duh ? ----  Zaidam, Munthar

Sângnâk:Thisen hi zohtirnâk tamtak a um. 1) Sual lâirêl(Isai 59:3, 2Sam. 1:16, Mat 27:25, Thup. 16:6)  2) Fihnungkâi  (Isai 66:3 34:6-8, Hab. 2:12)  3)  Nehnâk (Sam 58:10)  tla hi a zohtir.  Thisen hi Rêpnâk rangah khawm mang asi. Mosi nih ti thisen a changtir (Exo. 7:20), Vânmifial panihnâk nih tisumsumriat ah berhbu a thlêt le, thinlung chikip an thi ver (Thup. 16:3). Chun, Thisen hi Tlanhnâk rangah khawm an mang. Thisen suahlo hen sual ngaihdamnâk a umloti asi (Exo. 12:13,  Heb. 9:22) Nungnâk thar nei ding hen Thudantuk thisen a herh. (Johan 6:53-56)

Ran thî ei thu khapnâk a dawmh masachem mi chu -       

3^rd. Dispensationof Human Governmentliauah Ransa a thî ei khap a dawmh ving rawh.

Gen. 9:4 :Na eilo ding mi pakhat chu sa a thî telh mi asi. Nungnâkchuthisen thawk hen mi asi ruangah na ei ding asilo, Lalpa nih ati.

5^th.  Dispensation of Lawhunah thî ei a khap khun :

Lev. 3:17 :‘…âukhawm nih a thau leh a thî an ei ding asi lo’Lev. 7:26. Va/ran a thî ei ding asilo.

Lev. 17 :  10.  ‘..Mi âutal nih ransa athî hen a ei chun LALPA a lung silai lo le, a mi ah ngaih asi lai loh.

Lev. 17 : 12 -15. ‘.. Nan lakah ramdang minung um mi khawm nih a sa leh athi hen nan ei ding asiloh...ran/va a kah mi sa thiang asi mi chu a thî tual ah a thlêt lai le, valei hen a vurh ding asi. ..a thî tel hen sa nan ei ding asi lo,a eitu zawng chu amah (LALPA) minung ah ngaih asi awtlo tinâk.’ (Lev. 19:26).

Deut 12:16. ‘…athi lam chu ei lah ule, ti hâwi hen tual ah nan thlêt ver ding,’…‘Nungnâk chu thisen ah a um mi asi ruangah a thi henchâwm nuk hen  sa nan ei ding asilo. Ei ding hen thî mang lah u. Hi bang thupêk tla hi  nanzûl chun, LALPA a lâwm le, nanmah leh nan thlâk tla rangah thil zeizawng a tluang lai.’ (Deut. 12:23-25) ti asi.  1Sam. 14:32-34 ah‘.. Zohnik, mi tla nih  sa a thî ei hen LALPA lakah thilsual an ti rawh,’ ti hen anna phiar tâwn.

Ezek. 33:25. ‘Sa a thî telh hen nan ei’ ti hen zapi tla sualruangah LALPA nih a salh na.Hi tla zoh hen Thutlung Li ah chun Sa a thî ei hi khap tlir asi. Sual asi hen a sim.

6^th. Dispensation of Grace (Thutlung Thar): Gentel Kristian tla rangah thupêk:  Thil. 15:20 ah‘..thisenei tla bâng ding hen an sinah Lasuikuat sele, ka ti asi’ ti hen Bishop lian chem Jisu unaupa Jem nih a sim. Churawhchun, Gentel Kristian tla sinah Jem nih AD 50 liauah hi hâwi hen lasuikuat a rin ‘..thisen  ei tla, sa rawmdît hen ei tla…bâng tâk u’(Thil.15:29) ti hen. AD 46ᶜZângfahnâk (Grace) hun ah khawm Thisen ei chu khap asi ti a lang ko rawh.Zohtirnâk : Vawk thî  thunei ule, nan paw a replo mi nan sim ngelchel lai.

2.  Deihnâk  :Ordination (Pastor & Upa) silo mi tla  nih Thawhlâwm tleih bu hen thlacham mawh, Thawhlawm ap a thiang ma? ----  Zaidam, Munthar

Sângnâk:  Bâwlnâk ap chu Bâwlpu riant̩uan rerêng asi. Sikhawmsele, Jisu thih  liau Temple puanzâr a tlêk le, Mikip mun thenhlîmhchemah lût khonâk kan nei chiau rawh. Kumkhat ah veikhat silo rawh le, Zîng sûn zân zeiliauzawngah Mun thenhlîmhchemah lût khonâk kan nei ver rawh. Krist Jisu zârah Bâwlpu kan si ver rawh asi…Haleluiah !..(Thup. 21:3) ‘Pathian basa chu minung lakah a hawng um rawh’(Thup. 5:10) ‘Kan Pathian riant̩uan ding hen Lalram Bâwlpu ah na siam na rawh, ati asi. Isai 61:6 ah‘Nan nihlam chu LALPA Bâwlpu, Kan Pathian to-aw ti hen theih nan si lai’ti asi rawh. Ordination mi ngelchel a herhlo ti hi thu lakah theih kho asi. (Exo. 19:6, Isai 61:6, Thup. 1:6,  20:6).Khawmsele, Ordination minung a um ko chun Midang rangah titir ngâk hen Ordain mi nih a ap chun a ruam hen a dawh dauh ti kan theih a ṭha.

___________________________

Thlachamnak ah theih ding mi tla:

11.          Centenary Builing sak zulhpeh vima kho ding

22.        Bangladesh Kristian harsatnak dirmun kiang ding hen leh kan ramsung misual tla an rim kho ding hen

33.          ECC nih Ramthim riantuan Thawngthang Tha rian kan zulh kho ding hen   

4 4.     Lunglo tla nih Kristian thilti an muh hen Pathian an zah kho ding hen.

Theihtirnâk

.**  Kawhmi tla lungkhamnâk fâktak neitu leh Lalpa thu kiltir asi mi, mikip theihtir ding hen hawknâk neitu zawng nih Article a rîn kho.

**  Kawhmi Ârfi Thlakhat ah Tk. 10.00, kumsiar veikhatnâkpêk vima mi kum khat vo Tk. 100.00.

Published by:

EVANGELICAL CHRISTIAN CHURCH

Headquarters: Zion, Ruma – 4620,

Bandarban Hill District,

BANGLADESH.