INTERNATIONAL CHIN CHRISTIAN FELLOWSHIP [ICCF]

Lawngtlai, Mizoram ah International Lai/Chin Christian Leaders hna cu November 14- 15, 2014 ni hnih chung ceihhmai ttinak ngeih hnu ah ICCF cu November 15, 2014 Saturday ni ah thok a si.  

Ramkip Chin khrihfabu hna reports kan tuah hmasa.  Cu hnu ah kan miphun muisam [identity] kong hi can tam ngai la in kan i ceih hna.  Ceihhmainak kan ngeih khawh nak ding ah Dr. LH. Lalpekhlua, General Secretary of Lairam Jesus Christ Baptist Church nih paper tawi a chuahpi.  "Cakei mei maw, chizawh lu dah?" timi a si.  Chin maw, Lai dah kan i thim lai? ti hi a chim duh mi a si.  Chin cu kan miphun huaptu min a si.  Lai nih a aiawhmi a tlawm.  Cu caah, cakei mei hi chizawh lu sinak in kan i thim awk a si tiin a bia a fun.

Meeting a kaimi cu Lairam Autonomous District ah mifim politicians an tam.  An chim cio tikah "Chin" hi kan miphun huaptu min a si an ti cio.  Cu caah, "International Chin Christian Fellowship [ICCF]" in rianttuan ttinak buu cu tuah ding in hnatlaknak tuah a si.

ICCF cu:

1) Pathian ram kauhnak caah rianttuan tti kan herh caah a si.  Thazaang tampi ngeih lo zong ah thlacamnak in ram kip in i bawmh hi a biapi taktak.

2) Laica, Laiholh le Lai nuphung kilven le thanchonak caah a si.
Laitlai Chin hna nih a ruang tampi ruang ah kan ca, holh le nunphung kan thlau cuahmah.  Nikhat khat ah ramdang a phanmi Laimi hi tlau lan lai phan a um taktak.  Kan ca le holh hi kan thiam a hau.  Kan nunphung cu kan kilven a hau.  Ram chung ummi Laimi zong mi phundang ca le holh nih a dolh ve hna.  Laica le holh cu thiam cio an herh.  Cu caah, ram kip ah khuasa Laitlai Chin hna nih kan ca le holh le nunphung hna kilven ttinak caah ICCF hi ser a si.

 [cung] Hakha

 [cung & tang] Lawngtlai

ICCF YOUTH CONFERENCE

Meeting kaimi upa dihlak nih ram kip Laifa Chin mino hna hi i hawikomhnak ngei hna seh ti an duh piak hna.  Cu caah, ICCF Committee nih November 27 - 29, 2015 (Friday Night to Sunday Night) ah Lairam Jesus Christ Baptist Church, Lawngtlai ah tuah ding in hnatlaknak an tuah.  Lai mino hna nih hi program caah timhtuahnak ngeih cio ding a si lai.

CACC ram chung Chin mino le Lai Autonomous District Chin mino tampi an i tel kho te lai.  Ram dang Bawm, Bangladesh le ram dangdang in Chin mino hna nih telpi khawh cio ding cu saduhthah a si.



ICCF COMMITTEE

ICCF rianttuan peh khawh nak caah Dr. C Duh Kam, Executive Minister of CBCUSA cu ICCF Convener caah an thim.  

Kan Miphun Muisam (Identity) kong ceihnak

Muicuang in hlasak a dih khawh ah ceihhmainak cu ngaih khawh a si.  ICCF Cultural Nite le ICCF Consultation video zong a kap ah ka chiah.  Nain, a can ahcun Veopod hi that lo a hman caah a cuang tawn lo.  Direct in Youtube ah zoh duh ahcun:

1) ICCF Pathian Thangthat

2) ICCF Pathian Thangthat

3)  Local Church Choir, LIKBK

3) LIKBK Choir

4) ICCF Cultural Nite (11/14/2014)

***************************************

Meeting a kaimi hna cu a tanglei hna hi an si:

[cung] ICCF Consultation ah aa kai mi an si.  Hnatlaknak an tuah colh.

[cung] Meeting ah kan miphun identity kong chim lio.

[cung] Coffee Break

[cung] Ram kip in a rami Lai khrihfa hruaitu hna

[cung] Rev. Dr. Thawng Hnin Zam, Principal of UTC, Matupi

[cung] Tourist Lodge (khual riahnak)

[cung] Chuncaw a kan serhtu nungak pawl

[cung] Senior Engineer Pu Thancungnung, Aizawl bia chim lio

[cung] Rev. Tial Lian, Dr. C D Kam, Lai Idol 2014, Pu Stanley Hram Uk

[cung] LADC CEM Pu V. Zirsang le nupi nih thaithawh an kan sawm

INTERNATIONAL LAI CHRISTIAN LEADERS MEET.

REGISTRATION  FORM

Sl/ No	Hming	Designation	Address	Signature
1.LIKBK  HRUAITUTE
1	Upa H.Vanngaia	Chairman		Sd/-
2	Upa A.Taichunga	Chairman Elect		Sd/-
3	Rev.Dr. L.H.Lalpekhlua	General Secretary		Sd/-
4	Rev.TC.Lalsanghmuna	AGS  (S)		Sd/-
5	Rev.B.Zazawna Lai	AGS  (M)		Sd/-
2.     Overseas  Delegates:
1	Rev. Dr. C.Duh Kam	Executive Minister	CBC. USA Wasington DC	Sd/-
2	Rev.Tial Lian	Vice President	CBC. USA. Dallas	Sd/-
3	Pu Stanley Hram Uk	Deacon, Myanmar Baptist Church	New York	Sd/-
4	Rev. Japheth Lian	CCC. Australia	Melbourne	Sd/-
5	Rev.Dr.LalUk	General Secretary, CACC	Hakha, Myanmar	Sd/-
6	Rev.Dr. Henry Siang Kung	Principal, Chin Christian College	Hakha, Myanmar	Sd/-
7	Rev.Dr. ThawngHninZam	Principal, Union Theological College	Matupi, Myanmar	Sd/-
8	Rev. Paul Tum Ceu	GS. Hakha Baptist Association & CACC Chairperson	Hakha, Myanmar	Sd/-
9	Rev.ThimkhupBuiting	General Secretary, ECC.	Ruma, Bangladesh	Sd/-
10	Rev.LalthangzelaZathang	Director for Mission Obadiah Outreach Mission	Banderbad, Bangladesh	Sd/-
11	Rev. NiangThawnBawm	Field Administrative Office, ECC,	Ruma, Bangladesh	Sd/-
12	UpaSawnthuang	Chairman, Obadiah Outreach Mission	Banderbad, Bangladesh	Sd/-
3.    Existing MLA from Lairam :
1	C. Ngunlianchunga	Minister of State	Aizawl, Mizoram	Sd/-
2	Pu H. Zothangliana	Parliamentary Secy.	Aizawl, Mizoram
4.    CEM & Chairman LADC :
1	Pu V. Zirsanga	CEM.LADC	Lawngtlai	Sd/-
2	Pu F. Rualirha	Chairman, LADC	Lawngtlai	Sd/-
5.    Ex-CEM of  LADC :
1	Pu L. Chinzah		Council Veng, Lti.
2	Pu F. Manghnuna		Bazar, Lawngtlai	Sd/-
3	U Zathang		Council Veng, Lti.
4	Pu C. Thanghluna		Bazar, Lawngtlai
5	Pu ManghmungaChinzah		Council Veng, Lti.
6	Pu C. Zungchema		Chanmari, Lawngtlai
7	Pu B. Thanchunga		Electric Veng, Lti.
8	Pu A. Thangruma		Lawngtlai-I
9	Pu F. Rohnuna		Lawngtlai-I

 

Sl/ No	Hming	Designation	Address	Signature
6.    Another Official Invitees :
1	Rev.F.Ramdinmawia	ES. BCM	Bazar Lawngtlai
2	Rev. C. Vanlawma	BCM	Chanmari, Lawngtlai	Sd/-
3	P.P. Rodinpuia	IKK.	Lawngtlai-III
4	Upa K.L. Nikara	IKK	Lawngtlai-III
5	UpaDr. R.T. Hnialum	BCM	Chanmari, Lawngtlai	Sd/-
6	Upa H. Hrangkhuaia	BCM	Lawngtlai-I
7.    LADC Executive Members  :
1	F. Hranglura	Executive Member	Chanmari, Lawngtlai	Sd/-
2	T. Zakunga	Executive Member	College Veng, Lti
3	C. Lallura	Executive Member	Council Veng, Lti
4	T. Lalbiakmuana	Executive Member	Bazar, Lawngtlai
5	H. Vanlalthaliana	Executive Member	AOC, Lawngtlai	Sd/-
6	H. Chhuanawma	Executive Member	College Veng, Lti
7	Lalneihkhuma	Executive Member	Bazar, Lawngtlai
8	A. Lalngailova	Executive Member	Bazar, Lawngtlai
9	H. Lalchuangliana	Executive Member	Lawngtlai-I
10	PT.Lalchuanglura	Dy. Chairman	Bualpui (Ng)
11	ST. Laldailova	Adviser to CEM	Council Veng, Lti
8.Lawngtlai Town Pastor & A.S-te :
1	Rev. H. Lalsangliana	AOC Bialtu Pastor		Sd/-
2	Rev. Dr. C. Lalmuankima	VengpuiBialtu Pastor
3	Rev. H. Lalhmangaiha	ChanmariBialtu Pastor		Sd/-
4	Rev. C. Hrangzuala	College VengBialtu Pastor		Sd/-
5	Rev. V. Lalhmingsanga	A.S. Aizawl
6	Rev. C. Lalawmpuia	A.S. Bualpui (Ng)		Sd/-
7	Rev. Th.Vanlalzauva	A.S. Delhi
8	P.P. Henry KC Zathang	AOC Bialtu Pastor		Sd/-
9	P.P Lalbulliana	VengpuiBialtu Pastor
9.    Pensioner :
1	Rev. MZ. LawmthangaSathing		Bazar, Lawngtlai	Sd/-
2	Rev B. Hainuaia		VengpuiLawngtlai	Sd/-
3	Rev. EF. Sangchem		Chanmari	Sd/-
10.  GAC Member :
1	Rev. Raldawna		Lungpher	Sd/-
2	Upa L. Zathang		Bazar, Lawngtlai
3	UpaZahranga		Bazar, Lawngtlai	Sd/-
4	Upa V. Vanthawng		College Veng, Lti	Sd/-
5	Upa H. Sangkhar		Chanmari
6	Upa L.H. Mawia		Lawngtlai-III	Sd/-
7	Upa H. Alchunga		Chanmari	Sd/-
8	Upa A. Roliana		Thingkah	Sd/-
9	Upa T. Hranghluta		College Veng	Sd/-

Sl/ No	Hming	Designation	Address	Signature
11.  Media lam :
1	John Thanga	Correspondent, LMG
2	Pu Lalchharliana	Correspondent, LPS	Bazar Lawngtlai
3	Pu LalnghetaRalte	Correspondent, DDK
12.  LSA/LWA/CYLA/ LMG/AFL  aiawhte :
Lai Students’ Association :
1
2
3
4
5
6
13.  Lai  Woman  Association :
1	F. Hranghlunchhungi	Gen. Secretary	Thiangkah	Sd/-
2	C. Laldawli	Vice Chairman	Chandmary L-IV	Sd/-
3
4
5
6
14.  Central Young Lai Association :
1	V. Vanlianhrin	President	Lawngtlai	Sd/-
2
3
4
5
6
15.  Lairam Media Group :
1	Salai R. Lahnim	Asst. Secy.	College Veng	Sd/-
2	Thangcemsanga	Vice Chairman	Electric Veng	Sd/-
3	LH. Lalhmunmawia	Secretary	L-IV	Sd/-
4
5
6
16.  Association for Lai Language :
1	R. Sangkama	Adviser AFL		Sd/-
2	R. Hrekung	Adviser AFL		Sd/-
3
4
5
6
	LIKBK Office atanga Pastor
	Rev. A. Vanlaldinpuia	LIKBKTP Secy,		Sd/-
	Rev. LalrinawmaBawitlung			Sd/-
	Rev. F. Lalringliana			Sd/-

16.  Association for Lai Language :
1	R. Sangkama	Adviser AFL		Sd/-
2	R. Hrekung	Adviser AFL		Sd/-
3
4
5
6
	Others
	Pu Liankhuma	Bangladesh		Sd/-
	Upa K. Thanglinga	LIKBK	Council Veng	Sd/-
	Japanraltawnliana			Sd/-
	Upa H. Lungtial		Aizawl	Sd/-
	UpaThanchunga		Aizawl	Sd/-
	Upa C. Duhbika			Sd/-
	Upa F. Hrangkhuma			Sd/-

ICCF YOUTH CONFERENCE

Hmun: Lawngtlai, Mizoram

Ni: November 27-29, 2015 (Friday Night to Sunday Night

Saduhthah: Chin mino (Laifa) hna nih Pathian nih A kan serning tein kan vawlei pi hi a hman in hmang kho hna seh ti kan duh.  North America (USA & Canada), Europe, Australia, Asia le Chinram in Chin mino hna hi i tong hna seh.  Kan vawlei hi Khrih thawngtha in ceu ter hna seh ti hi kan duh bik cu a si. 

"Kan ttuan tti lawng ah kan ram a dam lai"

[tang] USA in Chin mino

[cung] USA in CBCUSA BT upa pawl nih leikhuaza Chin mino hawikomhnak le 

mission rianttuan tti cu a herh tuk in an ruah. (March 2014)

[tang] Danmark Chin Zumtu hna

[tang] Australia in Chin mino hna

2013 kum ah tialmi 

Upatmi miphun hawi dawt hna:

            Pathian nih kan Lai miphun A kan hruaining cu khuaruahhar ngai a si. Khuaruahhar a sinak cu minung nih kan suaisam khawh lo mi chung in nihin kan dirhmun kan phanhmi hi a si. April 2013 chung i Hakha khua CACC silver jubilee Pathian thangthatnak i kan kal lio ah Lairam khua vialte cu canphio inn raang in a khat dihmi kan hmuh.  Hi vialte hi ramdang a ummi Laimi nih nan kuatmi phaisa in sakmi lawngte an si. Lai khuate karlak vialte cu jeep le mawtor saikel kalnak lam nan ser dih fawn.  Lai khuate hi mawtor in tlawn dih khawh a si cang.  Nu le pa, u le nau le chungkhat le khua le ram nan dawtnak cu Lairam nan rak dawtnak a si.  Pathian a zumtu i A dawtmi fa kan si ti kan i hngalh caah Laimi nih midang ca rianttuan hi kan i thim khawh cang.  Pathian nih sunparnak co ko seh.

A liam cia kumhrabu pahnih [1990] hrawng ah Lairam chung canphio inn sen vialte kha an ran dihmi ka hmuh tikah Pathian nih Lairam inn le lo a ropcak mi vialte cu A kan thlenpiak a si ko tiin ka ruah.  Kawl cozah nih kum 50 reng lo chung cu kan Laica le holh zong cawng kho lo in anmah ca le holh cu a kan cawnter.  Lairam ah lam le zul zong a kan tuahpiak lo.  Thanchonak zeihmanh a kan tuahpiak lo.  Hi kum 50 chung ahhin a tlau kho ding tlak kan si nain, Pathian nih A kan humhim.  Kan miphun cu Bawipa thawng in a nung peng.  Nihin ahcun Pathian nih kan miphun hi a thaw chuahter a timh cang. Amah dawtnak thawng in ram kip in Lai fanau nan aw cu a thang thluahmah cang. 

Lairam khuasa nu le pa hna nih an fa le he lam hla tuk ah kan um tiin an i ruah. Dawtmi fa le hna zun ngaih he cun si kaw an mawh lo.  Lairam kan tlawn lio ahcun “nan fa le he nan i hlat ti lo.  USA in Hakha khua cu ni hnih ah phak khawh a si cang.  Nan fa le cu an umnak rammi sinak an ngeih in cun an rak in tlawng lengmang cang hna lai.   Thih ttian bang in zun a ngaimi nu le pa hna nih nan hmuh tthan ko hna lai” tiah ka hnemh hna.  A si hrimhrim ko lai.  Laimi kan caah vawlei cu khuate pakhat bantuk a si ve cang. Ramdang ah a ummi Laimi vialte hi Lairam ah kum khat ah minung 100 lengmang kan tlun khawh tik ahcun minung pakhat nih Lairam ah Christmas, Kum Thar le Thawhtthan tuahnak ah maw, biakinn saknak le zeidang khua herhhai le chungkhat tlunzoh caah US $3000 hrawng kan hman ttheu lai i kum khat ah $ 3000 x 100 = $ 300,000 hi Lairam ah a lut kho lai.  Lairam ah kan tlawn tam paoh ah Lairam kan rumter deuh lai tinak a si cang.

A tu cu pehtlaihnak a tthat deuh lengmang caah India ram chung Laimi le Bangladesh ram Bawm unau Lai hawi hna he Laica tein thawngthanhnak kan ngei kho cang.  Kawlram chung ah Laimi kan umnak cu a kau tuk.  Kawlram khuapi deuh vialte ah Lai khrihfabu cu an um dih cang.  Laimi nih kan ca le holh tein Pathian kan thangtthatnak aw hi chuncha bang in lang kho sehlaw vawlei cung ram kip in le India le Kawlram khuapi kip in van ah hmuh khawh a si lai.  Hi nih a langhtermi cu “Laica le Laiholh ram cu kan vawleipi hi a si cang” tinak a si.

Kannih USA ah khuasa Chin Baptist Churches USA [CBCUSA] hna cu CBCUSA phunghram 3:4 ah “Lai nunphung, Laica le holh hna tthanchoter ding,” le Phunghram 5:2 ah “Chin Association for Christian Communication [CACC] he pehtlaihnak a ngei lai i a herhnak bantuk in rian a tuanti lai” tiah kan ti ve fawn.   Mirang ram ah um i Mirang ca le holh hna thiam ding tiah kan ti lo.  Kan Lai miphun le nunphung le ca le holh tlau cu kan sian hna lo caah a si.  Hi hna kan thlau ahcun kan miphun cu a tlau lai ti hi fiang tuk in kan upa te nih an hngalh caah hi bantuk phunghram hi kan ngeihnak a si. 

Hi bantuk in CBCUSA nih phunghram kan ngeih caah vawlei pi cung Laimi cu kan van i kawl hna.  Lairam Jesus Christ Baptist Church [LJCBC] (Lairam Isua Krista Baptist Kohhran), Lawngtlai, Mizoram he kan van i hmu.  Annih cu kanmah hlan ah Kawlram chung ah missionary 61 thlah in rian an rak tuan cang.  Lai Autonomous District, Mizoram ah 8^th Standard tiang Laica cawn an thok cang.  Hmai ah an kal deuh. Laica le Laiholh cu kan ca le holh a si tiah an theih ngai cang.  Mizo holh cu an thiam cia, Laica le holh an thiam chap ahcun an zaa chinchin lai.  Laimi a kan thlircawitu ah an cang kho lai.

A tu cu CBCUSA le CACC le LJCBC cu kan i hmu cang.  Civui kan i hrawm kho cang.  CACC le LJCBC hi Tio le Tipi nih a dang kho ti hna lai lo.  Ramri lam an tha tuk cang.  Thaithawh le chuncaw aa hrawm kho peng ding in an um cang.  Hi bantuk in rianttuan ttinak kan ngeihnak cu thisen, nunphung, ca le holh aa khah ruang ah a si.  Zei dang bu he kan i pehtlai ti men a si lo.  Tthen awk ttha lo thisen le nunphung kan ngeih caah a si.   Kan Laica le holh cu tthanchoter ding rian nganpi kan ngei hna.  Vawlei a fim bantuk in kan miphun hi fimter ding ah ttuanvo kan ngei.

CBCUSA le CACC le LJCBC lawng kan si pen gawk a si ti lo.  Thisen le nunphung le ca le holh aa khatmi Laimi cu Australia, New Zealand, Europe le Asia in thong tamtuk kan um rih.  Lairam mangttaam (2008) le Lairam innkang bawmhnak (2010) le Saikhumphai Bawmhnak (2013) kan zoh tikah zeitluk in dah Pathian nih Laimi an kan dawt i rianttuan kho in A kan ser ti hi nan hmuh ko lai.  Nihin vawleipi cung Laitlai Khrihfabu hna hi Chin miphun pi caah kan thahnem kho cang.  Chin unau vialte a daw kho ding in Pathian nih thluachuah A kan pek.  Rianttuan tti ding in rak zuang cio u.  Rian nih a kan hngah ko.  Zei paoh nih ni le can an ngeih bang, kan rianttuan ding mi nih ni le can an ngei ve.  A can um lio ah ttuan hi kan herh.  Abik in, ramdang khuasa mi kan caah hi bantuk rianttuannak kan ngeih lo ahcun kan fanu le fapa le nih miphun dang nunphung, ca le holh ah an kan liam taak lai ti phan a um tuk.

Vawleipi cung Laitlai Chin khrihfabu vialte nih CBCUSA le CACC le LJCBC he rianttuan kan herhnak cu Chin Christian College, Hakha hna hi Chin Christian University ah ser kan hau.  Pastors lawng a hringsortu si awk a ttha ti lo.  Hmailei Lairam hruaitu mifim le cathiam hna kha kan chuncaw le zanriah tein a hringsor kho tu university ngeih kan hau.  Lairam khrihfabu kan tlawm tuk caah Pathian rianttuantu tampi kan herh lo can a um te lai.  CCC ah siangngakchia ngei lo in kan um kho.  University a si ahcun siangngakchia cu tampi kan ngei peng lai.  Bible cacawng an um tthiam lai.  English in ttha tein chimh khawh ahcun hmailei ram a tthat tikah ramdang company he rianttuan kho mi fanu le fapa tampi kan hrin khawh hna lai.

Matupi khua ah a ummi Union Theological College cu CBCUSA nih 2007 in bawmhnak a tuah.  CBC (hlan ZBC) nih a tuahmi si hmanhsehlaw a tu cu anmah kut chungah a um cang.  Bawmh an herh taktak.  Thazaang kan i hlum thiam ahcun bawmhnak kan tuah khawh hna lai.  Lairam sernak caah a herh ngaimi sianginn a si.

Laimi cu kan tlawm tuk caah ramdang ram rum hna bantuk in khua kip ah college le university tuah khawh a si rih men lai lo.  High school a awngmi an tlawm tuk caah siangngakchia kan ngei tling kho lai lo.  Cu caah, felfai deuh tein tuahmi sianginn tha ngeih hi kan herh.

A tu cu Pathian nih thazaang A kan pek cang.  Rianttuan tti lawng kan ba.  Ram kip in zuang usihlaw Lairam ah rianttuan hna usih.  Laimi kan dirhmun a chia tuk. Kanmah tein kan i ser a hau.  I bawmh kan hau.  I ttanpi kan hau.  Thlarau lei in kan thanchonak caah  rianttuan ding tampi kan ngei.  Thlarau, nunnak le titsa in kan thancho khawh nak ding ah thazaang chuah tti hna usih.  

Bawi Khrih rian ah,

C Duh Kam, EM

CBCUSA