Chin Convention Center Building Committee 

Cawlcanghnak

CCC Hall saknak caah pumpak in bawmhnak hal ding ah fial kan si bantuk in Houston, Texas ah February 29, 2020 Saturday ah ka phan ve.  March 1, 2020 Sunday ah Chin Christian Church of Houston [CCCH] ah CCC building kong biatawi chimnak ka ngei kho.  Cu hnu ah, Chin Emmanuel Baptist Church [CEBC] Houston ah Thawngtha chim pah in CCC hall saknak kong cu ka chim than. Nihin March 2 Monday hi Rev. S Lianhmung Tlunmang, Pastor of CEBC, Houston he pumpak chungkhar len ding kan i tim. 

AD 2015 ah Chinmi dihlak nih van chiatnak faktuk kan tong.  Rung tlang pi cu pe 1500 a sannak in a min i Hakha khua inn 732 a rawk dih.  Lai khuapi le khua te tampi a rak rawk.  Inn lo a rawk mi a tam.  Ei din awk tiang in harnak fak tuk kan rak tong.  Hi lio caan ah ram kip in Chin unau hna nih Semnak Lairam ah khuasa mi hna caah mitthli he thla kan cam. Kut kan samh cio hna.  CBCUSA nih hmuhmi phaisa cu Chinmi dihlak sinah kan phawt cio hna.  Ram dang ah Pathian nih Chinmi a kan thlahmi hi kan Lairam sernak caah pei a si ko hi ti kan i fiang.  A tu ahcun Pathian thawng in kan ngaichiatnak mitthli a hul cang.  Hakha khualipi cu dawhtuk in ai sa kho cang.  Vanchiat puicimh a tongmi hna zong Hakha Thar ah inn dawh tete in khua an sa cang.  Pathian thatnak hi conglawmh lo awk kan tha lo.  

Hi tluk in harnak kan tuar lio ah Pathian nih lam a kan hruainak hi philh awk a tha lo tiah minung 3000 a tlummi CCC Hall cu sak ding in thinlung ah a rung chuak.  A tu cu Pathian sin ah thla kan cam ti hna.

"Kan miphun tuanbia ah hi tluk vanchiatnak chung in kan miphun lak ah Pathian aiphuannak hi philh khawh lo ding mi tuanbia dal thar tialnak caah CCC Hall hi  "Chin Miphun Rolungphun" caah sak timhmi cu a si."   

 Vawlei cung ram kip ah Chin khrihfa hna nih Bawipa rian kan tuan tinak buu 9 hna komh in riantuan tinak International Chin Literature Society [ICLS] cu 2014 in thok a si. ICLS upa hna nih CCC Hall saknak ah kan i bawm ti hna lai tiah lungtho ngai in voithum hrawng biakhiahnak kan tuah.  International Chin Christian Youth Conference [ICCYC] Lawngtlai, November 23, 2017 ah ICLS upa vialte cu meeting kan thu hna i  hall saknak caah i bawmh ding in hnatlaknak kan tuah than.  An lung a tho tuk cio hna.

Hi CCC Hall hi Hakha ah kan sak khawh tikah ahcun: 

1) Leikhuaza [USA, Canada, Europe, Australia, New Zealand, Malaysia, Asia, West Lairam, Bawm, Bangladesh, Yangon, Kalaymyo] ram kip in Chin mino vialte hi kum 3 ah voikhat lengmang kan ton ter hna lai. Lairam in cawn ding le tuah ding a tam tuk ning an hngalh te lai.

2) Laiholh tein Pathian an thangthat ti hna lai.  Laica le holh an thiam dih te lai.

3) Chin/Laimi sinak le nunphung le ca le holh thiam a herhnak an theih lai.

4) Lai holh an thiam dih tikah anmah le anmah te chungkhar an dirh ti kho te lai.  

5) Pathian zumhnak in an thang lai.  

6) Ram kip ah a ummi Chinmi vialte hi khua fate pakhat ah khuasa bantuk in kan um kho lai.

7) Ram dang in Chin/Laimi an tlun tam tikah phaisa tampi an taan taak lai. Ram dang an hawile tampi an tlunpi hna lai.  Lairam ah riantuan duhnak an ngei lai.

8) Mileeng [tourist] tampi an tlun tikah bus service, hotel service, restaurants le dawr tuahmi vialte nih phaisa tam deuh an hmuh lai. 

9) Chin Khrihfa zumtu hna nih thlarau thazaang kan la ti kho lai.  

10) Pathian thangthatnak le civui pi kan tuah kho cang lai. 

"Kan miphun nih Pathian hi kan lei ah A tang ti hi an hngalh khawh deuh te lai"

 CCC Hall Saknak Hmun Cawhmi

ICBM Students umnak boarding school, Hakha

CHIN INTERNATIONAL CONVENTION CENTER [CICC] 

Chin khualipi Hakha khua ah minung 3000 a tlummi hall sak ding in timhtuahmi cu CACC nih sermi building committee nih CICC tiah min an bunh.  Hi hall saknak caah ram kip ah a ummi ICLS chungtel buu vialte i bawmh ding a si.  CBCUSA hi a lianbik buu a si caah tuanvo ngeitu bik ah a cang.  CACC ram chung khrihfabu dihlak le ram dang Chin khrihfabu hna nih thazaang kan chuah khawh cio ahcun Pathian nih a kan bawmh lai i kan sak khawh ko lai.   

Hi hall kan ngeih khawh tikah cun kan miphun nih tonnak an tuah kho lengmang lai.  International Chin Christian Youth Conference [ICCYC] tuah khawh a si lai.  Ram dang in mino hna zong nih Lairam hngaktu Chin/Lai mino hna he tonnak, cawnnak, le training an tuah kho te lai.  Yangon le Mandalay le Kalay Valley le Thlang Chinram in mino le Pathian riantuantu hna training hna zong tuah khawh a si te lai.  Biaknak le vawlei lei thanchonak programs tampi an tuah kho te lai.  A bik in, Pathian sunparnak a langh khawh nak Thawngtha chimnak le thangthatnak hmun a si te lai.

[tang] CICC hmun an chunh lio

### CICC HMUN, HAKHA HALH LIO 

               ***  Chin Convention Center Hmun Zohnak   ***            

INTERNATIONAL CHIN LITERATURE SOCIETY [ICLS] OFFICERS MEETING

Hmun: CBCUSA Office
Ni: July 09, 2018
Caan: 9:00 am - 04:00 pm

Lunglawm tein kan tuah kho.  Meeting a kaimi hna:

CACC, Hakha in
1. Rev. Dr. Khar Ling
2. Sayama Betty Ram Nawn

Lairam Jesus Christ Baptist Church, Lawngtlai, Mizoram in

3. GS Rev. John Hrangzual Cinzah

Hill Tract Churches Fellowship, Bawm, Bangladesh in

4. Upa Sawntluang Hlawnceu
5. Rev. Khawl Lian

Chin Christian Association of Europe [CCAE] in.

6. Rev. Ceu Mang, GS
7. Rev. Emmanuel Cinzah, Chairman

Chin Christian Council in Australia [CCCA] in

8. Rev. Dr. Dennis Shu Maung, GS

CBCUSA, Indianapolis, IN in

9. Rev. Dr. Thlaawr Bawihrin, GS
10. Saya Thlasui Tluangneh
11. Rev. Dr. C Duh Kam [Ex. President of ICLS]

Khrihfa Hlabu No.3 kan sak hnu ah zapi thlacamnak in kan meeting kan thok.CBCUSA GS hlun Rev C. Duh Kam nih bia tawi chimnak a ngei.

Biachah mi

ICLS 01/2018: ICCYC 2020, Hakha ah tuah ding in hnatlaknak rak ngeih cang mi cu LJCBC GS Rev. John Hrangzual Cinzah nih Lawngtlai ah tuah than ding in nawlnak a tuah caah ICLS officers thar nih zoh than si seh tiah  zapi kan lung a tling.

ICLS 02/2018: Chin Convention Center saknak cu CACC nih ICLS chungtel buu hna sin ah thawngthanhnak tuah cio ding.

ICLS 03/2018: Chin Christian Association of New Zealand [CCANZ] cu ICLS member ah kan cohlan.

ICLS 04/2018: ICLS Officers thar (2018-2021) cu a tanglei bantuk in thim an si:

           (a) CBCUSA -------2:  Rev. Dr. Thlaawr Bawihrin, GS le Saya Thlasui   

                  Tluangneh, CELD Director.

           (b) CACC ----------2   Rev. Dr. Za That, GS le Pastor Lai Cung,   

                  Secretary of Pub & Lit Department, CACC

           (c) CCCA ----------1   Rev. Dr. Dennis Shu Maung

           (d) LJCBC --------  1   Rev John Hrangzual Cinzah, GS

           (e) Hill Tracts Churches Fellowship---- 1        Rev. Lal Lung Rual, GS 

           (f) Chin Christian Association of New Zealand ----1      

                  Salai Sang Cung Uk,

           (g) Evangelical Christian Church, Bawm 1: Rev. Peklian Bawm, GS

           (h) CCAE                                                      ---1: Rev. Ceu Mang

President  ------------Rev. Dr. Thlaawr Bawihrin (CBCUSA, GS)

Secretary -------------Rev. Dr. Za That (CACC, GS)

Vice President ------Rev. John Hrangzual Cinzah (LJCBC, GS)

Assist Secretary ----Rev. Ceu Mang (CCAE)

Treasurer  ----------- Rev. Dr. Dennis Shu Maung (CCCA, GS)

Assist Treasurer --- Pastor Lai Cung (Pub & Lit Secretary, CACC)

 Member                     Rev. Lal Lung Rual, GS

                                       Salai Sang Cung Uk

                                       Rev. Peklian Bawm

                                       Saya Thlasui Tluangneh 

ICLS 05/2018: ICLS nih Graduate Scholarship program cu tuah ding in kan hna a tla;  Rev Dr. Dennis Shu Maung, CCCA GS le Rev. Dr. Thlaawr Bawihrin, CBCUSA GS nih hlathlainak tuah ding in kan fial hna.  

ICLS 06/2018: Laica cawnnak ah kau deuh in rian kan tuan khawhnak hnga caah ICLS chungtel buu kip Literature le Chirstian Education lei riantuantu dihlak nih  pehtlaih tuah in riantuan ti ding in kan lung a tling.

ICLS 07/2018: Lai Literature Seminar tuahnak ding kong cu ICLS President Rev. Dr. Thlaawr Bawihrin nih tuanvo a lak lai.

ICLS 08/2018: Lai Bible Commentary tialnak cu ram kip ah a si khawh chung in hlathlai si seh tiah kan lung a tling.      

ICLS 09/2018: ICLS riantuannak chung in tangka taang $ 200 cu ICLS President hlun Rev. C Duh Kam nih Rev. Dr. Dennis Shu Maung, Treasurer kut ah a ap cang.

Note:Agendas a taangmi hi officers thar nih a herhning in an zoh than te lai.

Pastor Ram Nawn, CACC, Hakha                                      Dr. C Duh Kam

            Recording Secretary                                                              CLS President [hlun]

ICCYC Lawngtlai 2017

Hakha khua Carson Hall ah Lawngtlai kal ding mi Kalaymyo, Yangon, Mandalay, 

Matupi le Hakha mino vialte cu November 20, 2017 zan ah tonnak kan ngei hna.  

Matupi khua in Chin mino le Kalay Valley in Chin Baptist Associaiton le

Chin Funtomnak Bu mino le Hakha Baptist Association Mino an si.

ICLS upa nih biaruahnak kan ngeih hna.  Mino nih hlaremh le solo an sak.

Kan i nuam ngai hna.  Hmailei ahcun Khrih caah Chin mino hna cu

tonnak an ngei kho peng cang lai.
**************************
November 21, 2017 
Hakha in Thantlang lei ah kan kal.  TABC mino le Zophei Batpist Association mino 
hna cu kan sawm pah hna.  Carson Hall, Hakha in kan i thawh.

Thantlang in Vanzang Tlang lam in Farkawn, Mizoram lei ah kan kal.
Victoria CNF Camp in kan kal.  Din ti an kan pek.  Chin mino hna tha a nuam ngai cio.

Mawtor 20 kan i citmi cu an camp ah kan chiah taak hna.
Tio hlei cung ah minung 260 thil thiar an kan bawmh.  Kan i lawm tuk.

Tio ral ah Lawngtlai lei nih bus in an kan don.
Lawngtlai ah kan phan.  International Chin Christian Youth Conference cu kan thok.  
Khual 1200 hrawng kan si.  Hlaremhbu 20 hrawng.  Mandat cu 2000 tlum in an sak.
A khawmmi 5,000 kan si.  Leeng ah dir khah in an khat.  
Praise & Worship team nih an kan hruai ko hih.

[cung] Minister Pu Ngunliancung Cinzah te inn ah zanriah dum ti lio

[cung] Bawm Chin Mino Upa

[tang] Zophei Baptist Association mino nih cakei an fim lio.

[cung] 2017 Miss Mizoram Lg. Rody H. Vanlalhriatpui, Lawngtlai
A phun: Hnialum

[tang] Hlasakthiam minthang Lg. Pensy B. Lalthangliani, Lunglei
A phun: Bawitlung

"Leikhuaza Chin Mino hi kum thum voikhat in i tong kho lengmang hna sehlaw 
kan Chin miphun caah chunmang manh ti hna seh.  Training tuah ti hna seh.  Vawlei pi hi khuate pakhat ah ser hna seh law Jesuh Khrih caah dir ti hna seh.  Cu ti cun, kan miphun hi sangpi ah an cawisan ko lai.  Ramdang ah tlau lo tein khua kan sa kho lai.  Kan fale mino hna chan ahhin cun 
Indianapolis, IN, Dallas, Texas, Washington, DC le Chinmi kan umnak US khuapi kip in 
Europe khuapi hna le Australia le New Zealand khuapi, Asia khuapi hna le Chin khualipi Hakha, Falam, Tedim, Kalaymyo, Myindat, Kanpalet, Matupi, Paletwa le Yangon, Mandalay, le Nay Pyi Daw hna ah ni khat hnih cam in an leeng kho te lai.  Fimnak a kawl mi Chin mino an tam tuk cang.  
Vawleipi level in chaw an tuah kho lai.  Rian an tuan kho te lai.  Kan Chinram cu an ser te lai.

 [cung & tang] ICLS Offiers Pawl Meeting Tuah lio

[cung] Dr. & Mrs. Lal Uk, Rev. Suikharlian Vuangtu, Dr. Henry Siang Kung

 [cung] HBA mino le CBCUSA mino

[cung] CBCUSA team to ICCYC 2017

[cung] CBCUSA mino hruaitu hna le HBA le TABC mino training 

Carson Hall, Hakha

INTERNATIONAL CHIN CHRISTIAN YOUTH CONFERENCE [ICCYC]

LAWNGTLAI, NOVEMBER 23-26, 2017

A voikhatnak a si.  Ka hngahhlang tuk cio hna.  Nain, tlam a tling sual lai lo tiah ICLS upa le Lairam Jesus Christ Baptist Church upa hna cu kan thin kan i domh.  Pathian nih kan ruah phak lo tiang in tlam a tlin ter.  Minung 2000 tlum mandat ah i khawm ding in minung 5000 an rak chuak.  Vawlei cung Chin mino nih Pathian cu sunglawi tuk in an thangthat ti hna. ICCYC cu Pathian program a rak si.  Pathian cu sunparnak pek a si.

Khual dihlak: 1200 hrawng.  Hlaremhbu 20 nih Pathian an thangthat cu vancung ah kan um rua ti ding in a um.  Hlasak thiam minthang hna Lg. Pensy B. Lalthangliani [Bawitlung] tel in mi tampi an ra.  Chin Idol 2017 le Miss Mizoram 2017 an i tel kho.  

Chinmi cu khrihfa kan si dih caah kan ram hruaitu hna zong nih thanuam tuk in an kan telpi.  Mizoram State Speaker Pu Hi Phei, Minister Pu Ngunliancung Cinzah, MLS Pu Zothanglian, le Lai le Mara Autonomous District in ram hruaitu hna nih Laiholh tein biacah an kan chimh.  

Pathian cu Laiholh tein kan thangthat.  Thawngtha chim le thlacam a si.

Chin/Lai nunphung hi tu chan mino nih kan philh ngai cang.  Kan philh thai ahcun kan tlau ding a fiang.  A bik in, ramdang khuasa hna caah tlau sual a awl tuk.  Zan khat cu Chin Special Night [Chin Cultural Night] in hman a si.  Lai lam le kui le cakei fim te hna tiang in langhter a si.  Matupi in Chin mino hna le Bawm Chin mino hna le Chinrawn/Lairawn [Kalay valley] in a rami Chin mino hna nih an kan nuamh ter khun.  Chinmi dang cu kan i hmu pah nain, Bawm Chinmi hna cu Bangladesh ah an um caah a tu tan hi kan i hmuh voikhat a si.  

Kan i lawm taktak hna.  Pathian nih kan vawlei pi cu Chinmi dihlak kan caah khuate pakhat bantuk ah a kan serpiak ve caah A min kan thangthat.

ICCYC Tlangtar: "UNITY [I FUNTOMNAK]"

[cung] Bawm Chin upa hna he

[cung] Zophei Baptist Association nih cakei fimnak 

[cung] Bawm Chin upa hna

[cung] Chin Funtomnak Bu, Kalaymyo Mino